QR Energetıka mınıstrligi Iadrolyq fızıka ınstıtýtynyń ıadrolyq fızıka bóliminiń bastyǵy Tımýr Joldybaev jyl sońyna deıin Qazaqstanda AES salý týraly referendým ótkizý josparlanyp otyrǵanyn aıtty.
«Qazaqstanda energetıkalyq atom elektr stansıasyn salý jobasy jańadan qolǵa alynǵan is emes ekenin atap ótken jón. Alǵashqy áreketter 90-shy jyldary jasaldy, biraq halyqtyń teris kózqarasyna tap boldy. Mundaı kózqarastyń sebepteri túsinikti, Qazaqstan uzaq jyldar boıy ıadrolyq qarýdy synaý alańy retinde paıdalanyldy, bul orasan zor aýmaqtardyń ekologıasyna óte teris áser etti», - dedi Tımýr Joldybaev.
Sarapshynyń pikirinshe, qazirgi kezde jaǵdaı múlde basqasha.
«Polıgon jabyldy, onyń aýmaǵy zertteldi jáne radıasıalyq qaýiptilik dárejesi boıynsha aımaqtarǵa bólindi. Nátıjesinde polıgondyq jerlerdiń edáýir bóligi halyq sharýashylyǵynyń qajettilikterine berýge daıyndalýda. Qazirgi atom stansıalarynyń qaýipsizdik deńgeıi edáýir ósti jáne tehnologıalyq apattardyń qaýpi nólge teń. Sonymen qatar, atom energıasyn óndirý ekologıalyq turǵydan eń taza bolyp qala beredi. Qazirgi ýaqytta osylaısha óndirilgen elektr energıasyna EO, Qytaı, Reseı elderinde jasyl mártebe berildi. Aıta ketý kerek, Qazaqstan ıadrolyq reaktorlardy paıdalaný tájirıbesi bar el bolyp tabylady. Uzaq jyldar boıy Shevchenko qalasynda (qazirgi Aqtaý) BN-350 tushshytqysh reaktory jumys istedi, onyń jabylýy saıası sheshim boldy. Iadrolyq fızıka ınstıtýty men Ulttyq ıadrolyq ortalyqtyń alańdarynda úsh zertteý reaktory tabysty jumys isteıdi, bul Qazaqstanǵa ıadrolyq energıany beıbit maqsatta paıdalaný salasynda barlyq qajetti quzyretteri bar el bolýǵa múmkindik beredi. Ýran óndiriletin jáne atom stansıalary úshin ıadrolyq otyn óndiriletin Qazatomónerkásip Ulttyq kompanıasynyń kásiporyndaryn da atap ótpeýge bolmaıdy. Bizde qajetti kadrlardy daıarlaýdy júzege asyrýǵa bolatyn óndiristik alańdar bar. Men atom elektr stansıasyn salýdyń jaǵymsyz jaqtaryna qaraǵanda, oń tustaryn kórip otyrmyn», - dep tolyqtyrdy Tımýr Joldybaev.
Avtordyń jazbasyna silteme: Ssylka na post avtora: https://www.facebook.com/timur.zholdybayev/posts/pfbid02apV7obqBb9i3hjZ6oLerZFs6msZuLihKRX1mesganVWukzuA7JAroLLGBw1oitPGl?_cft[0]=AZWEe0WNrXHmRqJnwRmLWvpjZAFeZyO4tyV8VMJBAoihdGB5VpExZdQ82l_qeEIfW8xHZExKOiLL7c_QS_UV-oGrnD8l12wNpT68ZA9sE_xNb7XFSIVwsOP9iQ1ud4thlWIWIW1Rt8zPhJsL1drXbEGv&tn_=%2CO%2CP-R