1 maýsym - Halyqaralyq balalardy qorǵaý kúni
Almaty qalasynyń memlekettik densaýlyq saqtaý júıesiniń balalarǵa alǵashqy medısınalyq-sanıtarlyq kómek kórsetetin medısınalyq uıymdarynda, sondaı-aq №2 qalalyq balalar aýrýhanasynda, Balalarǵa shuǵyl medısınalyq kómek kórsetý ortalyǵynda, Perınatologıa jáne balalar kardıohırýrgıasy ortalyǵynda, Qalalyq perınataldyq ortalyqta Halyqaralyq balalardy qorǵaý kúnine oraı jas pasıentter úshin Ashyq esik kúni ótedi.
Qalalyq qoǵamdyq densaýlyq saqtaý basqarmasy habarlaǵandaı, bul aksıa halyqtyń nazaryn balalardyń densaýlyǵyn saqtaý jáne nyǵaıtý máselelerine aýdarýǵa baǵyttalǵan, dep habarlaıdy Almaty-akshamy.kz.
Bul kúni emhanadaǵy barlyq balalar pedıatr, nevropatolog, oftalmolog, LOR dárigeri, tis dárigeri, psıholog jáne basqa da kóptegen mamandandyrylǵan mamandardan keńes ala alady.
Aspaptyq zertteýler, balalardyń boıy men salmaǵyn ólsheý, tynys alý júıesin keshendi baǵalaý, balanyń psıhofızıkalyq jáne somatıkalyq densaýlyǵynyń deńgeıin baǵalaý júrgiziledi.
Osydan keıin ata-analar balanyń densaýlyǵy týraly qorytyndy jáne qajetti usynystar alady.
Perıatologıa jáne balalar kardıohırýrgıasy ortalyǵynda Ortalyqta týǵan 1 jasqa deıingi sábılerge keńes beriledi.
Túrli patologıalar, balalary merziminen buryn týǵan ata-anaǵa keńes berý, dıneonatologtardyń, balalar nevropatologtarynyń, Katamnez ortalyǵy dárigeriniń, balalar últradybystyq dıagnostıkasy dárigeriniń (neırosonografıa) konsýltasıalary júrgiziledi.
Qalalyq perınataldyq ortalyqta balalarǵa konsýltasıalardy neonatolog, pedıatr, balalar nevropatology, últradybystyq neırosonografıa dárigeri jáne balalar oftalmology júrgizedi.
Kórsetkishterge sáıkes qosymsha zertteýdiń aspaptyq ádisteri: neırosonografıa, qursaq qýysy músheleri, búırektiń últradybystyq zertteýi, kóz túbin tekserý jáne basqa da oftalmologıalyq zertteýler júrgiziledi.
№2 qalalyq balalar klınıkalyq aýrýhanasynda Almaty qalasy Áýezov aýdanynyń balalaryna tegin konsýltasıalar ótedi, ony aýrýhananyń jetekshi mamandary, konsýltatıvtik-dıagnostıkalyq ortalyqtyń qyzmetkerleri, S.D.Asfendıarov atyndaǵy QazUMÝ KEAQ, QRMÝ jáne Ál Farabı atyndaǵy QazUÝ JMM (kardıolog, nefrolog, alergolog, pýlmonolog, nevropatolog, endokrınolog, gastroenterolog, gematolog, hırýrg, travmatolog, ýrolog, onkolog, oftalmolog) ýnıversıtet kafedralarynyń profesorlyq-oqytýshylar quramy júrgizedi.
Balalar hırýrgi, torakaldi hırýrg, proktolog, neırohırýrg, pedıatr, revmatolog, nefrolog, ortoped, travmatolog, nevropatolog mamandyqtary boıynsha úlken tájirıbesi bar profesorlar, ǵylym kandıdattary jáne dárigerler Balalar jedel medısınalyq járdem ortalyǵynda konsýltasıa beredi.
Sonymen qatar, joǵaryda atalǵan uıymdarda taqyryptyq dóńgelek ústelder, baıqaýlar, balalardyń sýretteri men qolóneriniń kórmeleri, sondaı-aq kezdesýler men merekelik sharalar uıymdastyrylady.
İs-sharalar maýsymnyń 1-inde saǵat 09.00-den 13.00-ge deıin ótedi