15-16 qyrkúıek kúnderi Almaty qalasynda Qazaqstan musylmandary dinı basqarmasy «Halal Damý» standarttaý jáne sertıfıkattaý mekemesiniń uıymdastyrýymen «HALAL EXPO-2023» kórmesi ótedi. Bul kórme – halaldy nasıhattaý, tutynýshy men óndirýshi arasyn jalǵaý, kásipkerlerdiń ózara baılanysyn nyǵaıtý, shet eldik mamandarmen tájirıbe almasý, halal ónimderdi tanytý maqsatynda III shi ret ótkizilgeli otyrǵan halyqaralyq aıtýly shara.
«HALAL EXPO-2023» kórmesinde QMDB Tóraǵasy, Bas múftı Naýryzbaı̆ qajy Taǵanuly «Úzdik halal kásiporyndardy» marapattaıdy. Sonymen qatar, shet eldik jáne otandyq halal standarttaý jáne sertıfıkattaý salasy mamandarynyń qatysýymen dárister ótip, halal jóninde keńinen maǵlumat beriledi.
İs-sharaǵa QR Mádenıet jáne aqparat mınıstrligi, Aýylsharýashylyq mınıstrligi, sondaı-aq Almaty qalasy ákimdigi men «Atameken» QR UKP arnaıy ókilderi, musylman memleketteriniń Qazaqstandaǵy elshileri, shet eldik «Halal standarttaý jáne sertıfıkattaý» ortalyqtary basshylary qatysady dep kútilýde.
Almaty qalasynyń qonaqtary men turǵyndary et, qus ónimderi, sút jáne balyq ónimderi, jartylaı fabrıkattar, kondıterlik jáne bal ónimderi, halal kosmetıkalar, maı ónimderi men shujyqtar, BAD ónimderi, taǵam qospalary, gıgıenalyq zattar, jýǵysh zattar, fast-fýdt taǵamdar, balmuzdaq, sýsyn sekildi nebir ónimderdi saýda oryndarynan birneshe ese tómen baǵada ala alady. Kórmege otandyq jáne Ózbekstan men Qyrǵyzstan, Ýkraına, Malaızıa men Indonezıa memleketteriniń halal sertıfıkatyn ıelengen kásiporyndary, ónimderi qatysatynyn eske salamyz.
Áýezdi án-kúı, tushymdy suhbat, dámdi taǵam túrleri, erekshe atmosfera sizderdi kútedi. Halal ındýstrıasynyń damýyna at salysyp, otandyq ónimderdi qoldaıyq, qoldanaıyq! Buqaralyq aqparat quraldary ókilderin halyqaralyq kórmege aqparattyq qoldaý kórsetýge shaqyramyz!
Ótetin orny: «ATAKENT» halyqaralyq kórme ortalyǵy. BAQSHASARAI saltanat úıi. Almaty q., Tımırázev kóshesi,42.
Ýaqyty: 15-16 qyrkúıek, 2023 jyl. Saǵ.: 10.00-17.00 aralyǵy;
Baı̆lanys úshin: + 7 702 273 7518 (Danıar Safıev)
+ 7 771 437 0517
+ 7 7172 999 384