Kórmege 20-ǵa jýyq ınovasıalyq joba qoıyldy
Almatyda Ǵylym aptalyǵy aıasynda «Ǵylym jáne bıznes: Qazaqstannyń ınovasıalyq damý joldary» atty ǵylymı-ınnovasıalyq kórme ótti, dep habarlaıdy Almaty-akshamy.kz.
Ǵylymı jetistikter kórmesin QR Ǵylym jáne joǵary bilim mınıstri Saıasat Nurbek, QR Ǵylym akademıasynyń prezıdenti Kúnsulý Zakará, Ál-Farabı atyndaǵy QazUÝ-dyń basqarma tóraǵasy – rektory Janseıit Túımebaev, «Atameken» QR UKP basqarma tóraǵasynyń birinshi orynbasary Maqsat Qıqymov, Almaty qalasy ákiminiń orynbasary Álisher Ábdiqadyrov, sondaı-aq bıznes jáne ǵylym ókilderi, iri kompanıa basshylary tamashalady.
Kórmege nanomaterıaldar negizindegi qabyldaǵyshtar, energıa únemdeıtin shamdar, fızıka boıynsha baǵdarlamalyq keshen, kompozıttik materıaldar (shýngıt), COVID-19 vırýstaryn joıýǵa arnalǵan derbes portatıvti qurylǵy, arnaıy maqsattaǵy polıefırli shaıyrlardyń tájirıbelik ónerkásiptik óndirisin qurý, nanospýtnık jáne taǵy basqa barlyǵy 20-ǵa jýyq ınovasıalyq joba qoıyldy.
Jıyn barysynda Ǵylym jáne joǵary bilim mınıstri Saıasat Nurbek ǵylymdy komersıalaýdyń mańyzyn aıtyp, osy baǵytta atqarylyp jatqan sharalardy atap ótti.
«Jeke zań, Ulttyq keńes, mınıstrlik quryldy, Ǵylym akademıasyn qaıta júktelýde, qarjylandyrý. Zańnamalyq baza bıyl aıaqtalatyn bolady. Biz jarty jyl buryn siz ben biz aıtqan barlyq tezısterimizge óte baıypty, qarymdy kele jatyrmyz. Komersıalandyrý – óte aýyr jumys. Munda eksperımentter men minsiz modeldeýden basqa, biz úırenip, beıimdelýimiz qajet kóptegen basqa faktor bar», – dedi mınıstr.
UKP ókilderiniń pikirinshe, ǵylymı jobalardyń kóbin komersıalandyryp, naryqqa taratýǵa bolady.
«Bul ǵylymı ázirlemelerdiń kóbi komersıalandaryp, masshtabtaýǵa bolatyn jobalar. Ǵylym men bıznes ınovasıalyq áleýetti damytýdyń eki mańyzdy quramdas bóligi ekenin tolyq qoldaımyz. Tıimdi iske asyrý arqyly osy eki sektor arasyndaǵy yntymaqtastyq kúrdeli ekonomıkalyq jáne áleýmettik máselelerdi sheshýge, ekonomıkanyń ósýine jáne jańa jumys oryndaryn qurýǵa kómektesedi», – dedi Maqsat Qıqymov.
Spıker Ulttyq palata jáne bıznes ókilderiniń bastamasymen Ǵylym komıteti janynan komersıalandyrý jónindegi jeke ulttyq ǵylymı keńes qurylǵanyn aıtty. UKP usynysy boıynsha 12-den astam qaýymdastyq, sondaı-aq bıznestiń 28 ókili 10 ulttyq ǵylymı keńestiń quramyna engizildi. Bul qazirdiń ózinde ǵylymı jáne bıznes toptardyń ózara is-qımylynyń belgili bir nátıjelerin beredi.
Maqsat Qıqymov Úkimet ǵylymdy qarjylandyrýdy 2020 jyly 89 mlrd teńgeden osy jyly 160 mlrd teńgege, al 2025 jylǵa qaraı 240 mlrd teńgege deıin ulǵaıtýdy josparlap otyrǵanyn atap ótti. Bul memleket tek osy baǵyttaǵy damý qarqynyn arttyratyndyǵyn kórsetedi.
Eske salsaq, Ulttyq palata jáne bıznes ókilderiniń bastamasymen Ǵylym komıteti janynan komersıalandyrý jónindegi jeke ulttyq ǵylymı keńes quryldy. Sondaı-aq ǵylymnyń bıznespen ózara is-qımylyna jaǵdaı jasaý maqsatynda Ǵylym qorynyń Bıznes-seriktester klýby ǵylymı jobalardy komersıalandyrýǵa múddeli bıznes ókilderiniń qaýymdastyǵy quryldy. Qazirgi ýaqytta klýbqa 180-den astam múshe kirdi.