Ǵalymdardyń jalaqysy eki esege artty
Almatydaǵy «Ǵylym ordasynda» Memleket basshysynyń ǵylymdy damytý salasyndaǵy tapsyrmalaryn talqylaýǵa arnalǵan QR Ǵylym jáne joǵary bilim mınıstrliginiń keńesi ótti, dep habarlaıdy Almaty-akshamy.kz.
Oǵan QR Premer-Mınıstriniń orynbasary – Saýda jáne ıntegrasıa mınıstri Serik Jumanǵarın, QR Ǵylym jáne joǵary bilim mınıstri Saıasat Nurbek, akademıkter men ǵalymdar, sondaı-aq ǵylymı qoǵam ókilderi qatysty.
Saıasat Nurbek basqosýda Memleket basshysynyń tapsyrmasyn iske asyrý barysyn baıandady.
«Ǵalymdardyń jalaqysy eki esege artty (252 myń teńgege deıin). Prezıdenttiń tapsyrmasy boıynsha irgeli zertteýlermen aınalysatyn ǴZI-ǵa tikeleı qarjylandyrý engizildi. Mınıstrlik 2023-2025 jyldarǵa arnalǵan granttyq qarjylandyrýǵa úsh baıqaý jarıalady. Budan bylaı granttyq jáne maqsatty qarjylandyrý konkýrstary burynǵydaı úsh jylda bir ret emes, jyl saıyn ótkiziletin bolady», - dedi mınıstr.