Keshe Almatyda ǵalymdar men múddeli taraptardyń qatysýymen «Ǵylym jáne tehnologıalyq saıasat týraly» zańdy iske asyrý máselelerine arnalǵan dóńgelek ústel ótti. Bul is-sharada elimizdegi ǵylymdy damytý, ǵalymdardyń áleýmettik jaǵdaıyn jaqsartý jáne ǵylym salasyndaǵy ózekti máseleler talqylandy, dep habarlaıdy aqshamnews.kz
Prezıdent Qasym-Jomart Kemeluly Toqaevtyń bastamasymen elimizde ǵylymdy damytýǵa kóńil bólinýde. Ǵylymdy qarjylandyrý úsh esege artty, Ulttyq ǵylym akademıasyna memlekettik mártebe berildi, arnaıy zań qabyldandy – bular elimizde ǵylym salasynyń damýyna baǵyttalǵan naqty sharalardyń biri bolyp tabylady. Prezıdenttiń osy salaǵa kórsetip jatqan qoldaýy elimizdiń ǵylymı áleýetin arttyrýǵa jáne jańa tehnologıalardy damytýǵa múmkindik týǵyzyp otyr.
Shyn máninde, ǵylym – memlekettiń basty aktıvteriniń biri. Sondyqtan ǵylymı zertteýler eldiń órkendeýine yqpal etýi qajet. Bul rette jahandyq trendter men ekonomıkalyq strategıa nazardan tys qalmaýǵa tıis. Sol sebepti, búginde agrarlyq ǵylym, ekologıa, sý jáne resýrs únemdeý, shıkizatty óńdeý, balamaly energıa kózderin damytý salalaryn jetildirýmen birge, jasandy ıntellekt, bıotehnologıa, zamanaýı medısına, gendik ınjenerıa, ǵarysh sıaqty baǵyttardaǵy ǵylymı zertteýlerdiń róli artyp otyr, dep jazdy Máýlen Áshimbaev áleýmettik jelidegi paraqshasynda.
Qazirgi tańda ǵylym tek bilimniń kózi ǵana emes, sonymen qatar memlekettiń órkendeýine yqpal etetin basty faktorlardyń biri bolyp tabylady. Osy oraıda, agrarlyq ǵylym, ekologıa, sý jáne resýrstardy únemdeý, shıkizatty óńdeý, balamaly energıa kózderin damytý sıaqty salalardyń damýy óte mańyzdy. Sonymen qatar, jasandy ıntellekt, bıotehnologıa, zamanaýı medısına, gendik ınjenerıa jáne ǵarysh salasyndaǵy ǵylymı zertteýlerdiń róli artty.
Dóńgelek ústel barysynda ǵalymdar ózekti máselelerdi kóterip, ǵylymdy damytýǵa baılanysty pikirlerin bildirdi. Olar ǵylymı zertteýlerdiń mańyzdylyǵyn atap ótip, elimizdegi ǵylym salasyndaǵy problemalardy sheshýge qatysty usynystaryn usyndy. Ǵalymdar ǵylymı áleýetti arttyrýǵa, jastardy ǵylymı-zertteý jumystaryna tartýǵa, sondaı-aq zamanaýı tehnologıalardy damytýǵa nazar aýdarý qajettigin aıtty.
Almaty qalasyndaǵy sarapshylarmen de arnaıy kezdesý uıymdastyryldy. Kezdesý barysynda parlament pen analıtıkalyq qoǵamdastyq arasyndaǵy dıalogtyń mańyzy erekshe atap ótildi. Sarapshylarmen pikir almasý zań shyǵarý prosesin jaqsartýǵa, sondaı-aq elimizde jańa tehnologıalardy damytý, básekege qabiletti sıfrlyq ekonomıkany qalyptastyrý máselelerine serpin beredi.
Barlyq kezdesýlerde aıtylǵan ıdeıalar men usynystar muqıat zerdelenip, Senattyń aldaǵy qyzmetinde eskeriletin bolady. Bul is-sharalar ǵylym men tehnologıalardyń damýyna, el ekonomıkasynyń básekege qabilettiligin arttyrýǵa zor úles qosady.