Almaty qalasynyń qylmystyq ister jónindegi mamandandyrylǵan aýdanaralyq sotynda Gúlmıra Satybaldynyń basty sot otyrysy ótip jatyr. Gúlmıra Satybaldydan bólek, onyń júrgizýshisi Mádı Batyrshaev ta aıyptalýshylar qatarynda, dep habarlaıdy almaty-akshamy.kz
Tyńdaýlar oflaın rejımde ótýde. Aıta keteıik, aldyn ala tyńdalym kezinde aıyptalýshy Gúlmıra Satybaldy alqabıler sotyna qatyspaıtynyn jetkizgen bolatyn.
Ótken jyly Gúlmıra Satybaldy bireýdiń múlkin ıemdený jáne jymqyrý qylmystyq isi boıynsha 8 jylǵa bas bostandyǵynan aıyrylyp, 10 jyl boıy komersıalyq uıymdarda basshylyq laýazymdardy atqarýǵa tyıym salynǵan edi.
Satybaldy kásiporyndardyń qatysý úlesin zańsyz ıemdený, sonyń ishinde adam urlaýmen ushtasqan eki fakti boıynsha tergeýge alynǵan bolatyn. Jábirlenýshige kelgen zalal somasy 6,6 mıllıard teńgeden asady.
Sonymen qatar, sotqa deıingi tergeý kezinde Gúlmıra Satybaldy shekara asyp ketýge tyrysqan.
Alaıda, ol barlyq aıyptaýlarmen kelispeıtinin jáne ádil sheshim qabyldaýǵa ótinish jasaǵanyn málimdedi.
Eske sala keteıik, Qaırat Satybaldy 2022 jyldyń 26 qyrkúıeginde qylmystyq isi boıynsha alty jylǵa sottalǵan bolatyn. 2024 jyldyń basynda Sybaılas jemqorlyqqa qarsy agenttik oǵan qatysty taǵy bir istiń tergelip jatqanyn habarlady.