Zańsyz salynyp jatqan kezekti turǵyn úı kesheni – «Graff» TÚK sottyń sheshimimen buzyldy.
Bul týraly Almaty qalasynyń qala qurylysyn baqylaý basqarmasy málimdedi, dep habarlaıdy aqshamnews.kz.
Bul nysan Ermensaı sh/a, 7, 7 / 71 ýchaskesinde, ıaǵnı úsh jer teliminde tıisti ruqsat qujatsyz salynǵan.
2023 jyly 20 qańtarda basqarma tapsyrys berýshige (jeke tulǵaǵa) qatysty buzýshylyqtardy joıýǵa nusqama bere otyryp, ákimshilik sharalar qabyldady, al keıinirek Bostandyq aýdandyq sotyna buzýǵa talap aryz berdi.
Byltyr 24 shildede aýdandyq sottyń sheshimimen basqarmanyń zańsyz qurylysty buzý týraly talap aryzy qanaǵattandyryldy. 2023 jyldyń 19 qazanynda apelásıalyq sot birinshi satyly sottyń sheshimin ózgerissiz qaldyrdy.
Nysan osy jyldyń 29 shildesinde Ádilet departamentiniń sot oryndaýshylarynyń qatysýymen buzyla bastaldy.
Esterińizge sala keteıik, Almaty ákimi Erbolat Dosaevtyń zańsyz qurylysqa baqylaýdy kúsheıtý jónindegi tapsyrmasy aıasynda byltyr jyl basynan beri 40 zańsyz nysan, onyń ishinde «Mechta», «KHAN», «Alma Garden» TÚK jáne t.b. tolyq nemese jartylaı buzyldy.