Avtokólikte paıdalanýǵa arnalmaǵan balondardy toltyrýǵa qatań tyıym salynady
Bul týraly Óńirlik komýnıkasıalar qyzmetiniń baspasóz konferensıasy barysynda ónerkásiptik qaýipsizdik komıtetiniń Almaty qalasy boıynsha departamenti basshysynyń orynbasary Ádil Qatýbaev málimdedi, dep habarlaıdy Almaty-akshamy.kz
Ádil Qatýbaev atap ótkendeı, olardyń vedomstvosy gaz toltyrý pýnktterin, suıytylǵan munaı gazynyń avtogaz quıý stansıalaryn jáne basqa da kóptegen obektilerdi paıdalanatyn gaz jelisi uıymdarynyń obektilerin gaz jáne gazben jabdyqtaý salasynda memlekettik baqylaýdy júzege asyrady.
Spıkerdiń aıtýynsha, tyıym salynǵanyna qaramastan, gaz quıý stansıalarynyń keıbir ıeleri otyndy turmystyq balondarǵa toltyrýdy jalǵastyrýda. Mamandar gaz jabdyqtaryn paıdalaný erejelerin buzýshylardy jazalamaqshy.
«Naýryz aıynyń basynan bastap bizdiń qyzmetkerler jergilikti polısıa qyzmetimen, TJD, turǵyn úı saıasaty basqarmasymen birlesip gaz balondaryn paıdalanatyn bazarlardy, SOO, qoǵamdyq tamaqtaný oryndaryn tekserýge qatysty. Zań buzýshylyqtar anyqtalǵan jaǵdaıda tutynýshylarmen túsindirý jumystary júrgizildi», - dedi Ónerkásiptik qaýipsizdik komıteti departamenti basshysynyń orynbasary.
Ádil Qatýbaev eki qabattan joǵary turǵyn úılerdiń páterlerine turmystyq balondardy ornalastyrýǵa jáne paıdalanýǵa tyıym salynatynyn, sondaı-aq avtogaz quıý stansıalarynda avtokólikte paıdalanýǵa arnalmaǵan balondardy toltyrýǵa qatań tyıym salynǵanyn eske saldy.
Spıker balondardy AGQS-ta toltyrýǵa tyıym salynǵanyn, sebebi onda salmaqtyq baqylaý joq ekenin aıtty. Balondar tolyp ketedi. Al balondardy jyly úı-jaıǵa ornalastyrǵan kezde, gaz ulǵaıady, bul balondardyń jarylýyna ákeledi.