Ǵalym áıelder qoǵamdyq birlestiginiń jańa múshelerine kýálikter men alǵys hattar tabystaldy
QR Ulttyq kitaphanasynda Qazaqstandyq ǵalym áıelder qoǵamynyń uıymdastýymen «Ǵalym áıelderdiń zamanaýı qazaqstandyq qoǵam damýyna kosqan úlesi» atty dóńgelek ústel men «Belgili Qazaqstandyq ǵalym áıelder qoǵamy» ensıklopedıanyń tusaýkeseri rásimi ótti, dep habarlaıdy Almaty-akshamy.kz.
⠀
Sharany fılologıa ǵylymdarynyń doktory, «Qurmet» jáne «Parasat» ordenderiniń ıegeri, Qazaqstandyq ǵalym áıelder qoǵamdyq birlestiginiń prezıdenti Aıapova Tańat Táńirberdiqyzy jáne pedagogıka ǵylymdarynyń kandıdaty, profesor Imanǵojına Órik Zeınýllaqyzy júrgizdi.
⠀
Sharada Qazaqstandyq ǵalym áıelder qoǵamdyq birlestiginiń prezıdenti Tańat Aıapova birlestiktiń jumysyna toqtalyp, qatysýshylarǵa alǵysyn bildirdi. Sonymen qatar «Belgili Qazaqstandyq ǵalym áıelder qoǵamy» ensıklopedıasynyń tusaýkeser rásimi jasalyp, Qazaqstandyq ǵalym áıelder qoǵamdyq birlestiginiń músheleri men QR Ulttyq kitaphanasynyń qoryna tabystaldy.
⠀
Jıyn barysynda Qazaqstan Eńbek Eri, «Altyn juldyz», «Otan» ordenderiniń ıegeri, profesor Aıagúl Mırazova «Qoǵam damýynda jas urpaq tárbıesindegi qyz balalar úlgisi» taqyrybynda baıandama jasady. Sonymepn qatar qoǵamdaǵy qazaq áıelderiniń alar oryny men olardyń qoǵamnyń damýyna qosyp jatqan úlesi jaıly baıandamalar jasaldy.
Dóńgelek ústel oflaın jáne onlaın formatynda ótti.
Shara sońynda Qazaqstandyq ǵalym áıelder qoǵamdyq birlestiginiń jańa múshelerine kýálikter men alǵys hattar tabystaldy.