Almatyda balalar men jasóspirimder komandalary arasynda fýtboldan halyqaralyq týrnır aıaqtaldy. Jarysqa 35 komanda qatysty
Uıymdastyrýshylar jarysty Aýǵan soǵysynyń ardageri, arnaıy maqsattaǵy 177-shi jasaqtyń birinshi komandıri polkovnık Borıs Kerimbaevty eske alýǵa arnady, dep habarlaıdy Almaty-akshamy.kz Azattyq Ruhy-a silteme jasap.
Bul týrnır osymen besinshi ret ótkizilip otyr. Bıyl ol halyqaralyq mártebege ıe boldy. Jarysqa Qazaqstan, Qyrǵyzstan jáne Ózbekstannan 500-diń ústinde jas fýtbolshy qatysty.
«Alash» stadıonynda tórt jas sanatyndaǵy 35 komanda kezdesti.
Jarys qorytyndysyna kelsek, 2015-2016 jylǵy toptar arasynda Astana qalasynan kelgen «ÝRAGAN» komandasy, 2013-2014 jylǵylar ishinde qyzylordalyq «KGEK» komandasy jeńiske jetti. 2011-2012 jáne 2007-2008 jyly týǵan jas sanattarynda «JEYRAN» jáne «JAS QYRAN» komandalary chempıon atandy.
Aýǵan ardagerleri týrnırdiń chempıondary men júldegerlerine qyzyqty oıyn kórsetip, jeńiske degen erik-jigeri jáne umtylysy úshin medaldar, gramotalar jáne baǵaly syılyqtar tabys etti.