Almaty qalasynyń Qala qurylysyn baqylaý basqarmasy Qaraǵaıly yqshamaýdanynda ornalasqan turǵyn úı keshenin buzý týraly sot sheshimi men zańsyz «Fransýz úıi» ataýyn paıdalaný máseleleri boıynsha qosymsha aqparat berdi, dep habarlaıdy aqshamnews.kz
Jospardan tys tekserý barysynda turǵyn úı kesheniniń eskızdik jobany bekitpeı, saraptamasyz jáne tıisti qujattamasyz salynǵany anyqtalǵan. Osyǵan baılanysty tapsyrys berýshige ákimshilik sharalar qoldanylyp, Almaty qalasynyń mamandandyrylǵan aýdanaralyq ekonomıkalyq sotyna keshendi buzý týraly talap aryz joldanǵan.
2023 jyldyń 26 shildesinde sot bul talap aryzdy qanaǵattandyrdy, al 2023 jyldyń 26 qazanynda qalalyq sot sheshimdi ózgerissiz qaldyrdy. 2024 jyldyń 30 qańtarynda atqarý qujaty Ádilet departamentine tapsyrylyp, atqarýshylyq is júrgizý bastaldy.
Qurylys salýshy kompanıa «Fransýz úıi» ataýyn zańsyz paıdalanǵany úshin sot sheshimimen jaýapqa tartyldy. 2024 jyldyń 29 sáýirinde Almaty qalasynyń Mamandandyrylǵan aýdanaralyq ekonomıkalyq soty «Fransýzskıı Dom BSB» JSHS-niń talap aryzyn qanaǵattandyryp, bul ataýmen jyljymaıtyn múlik satýǵa tyıym saldy. Sonymen qatar, «Fransýz úıi» taýar belgisin turǵyn úı kesheniniń barlyq qujattarynan, ınternet-resýrstardan jáne jarnamalyq materıaldardan alyp tastaý mindetteldi.
Almaty qalasynyń Qala qurylysyn baqylaý basqarmasy zań buzýshylyqtardy boldyrmaý maqsatynda baqylaý sharalaryn kúsheıtýdi jalǵastyrýda.