Shveısarıanyń Súrıh qalasynda 13 jeltoqsanda fýtboldan 2026 jylǵy álem chempıonatyna irikteý kezeńiniń jerebesi tartyldy. Bul týrnırge qatysý úshin Qazaqstan quramasy óz qarsylastaryn bildi, dep habarlaıdy aqshamnews.kz
Qazaqstan quramasy J tobyna tústi, onda kelesi qarsylastarmen kezdesedi:
- Belgıa
- Ýels
- Soltústik Makedonıa
- Lıhtenshteın
Belgıa quramasynda madrıdtik "Realdyń" juldyzy Tıbo Kýrtýa, "Manchester Sıtıdiń" oıynshylary Kevın de Breıne jáne Jeremı Doký sıaqty tanymal fýtbolshylar bar.
Álem chempıonatyna irikteý erejeleri
Álem chempıonatyna qatysý úshin ulttyq quramalar geografıalyq aımaqtarǵa bólingen. Qazaqstan quramasy ÝEFA aımaǵynda (Eýropa) oınaıdy, bul aımaqta irikteý Azıa jáne Amerıka aımaqtaryna qaraǵanda keshirek, 2025 jyldyń naýryzynda bastalady.
Eýropalyq aımaqta barlyq quramalar 12 topqa bólingen. Ár topta 4 nemese 5 komanda bar. Álem chempıonatyna ár toptyń jeńimpazdary tikeleı joldama alady. Al toptaǵy ekinshi oryn ıegerleri Ulttar lıgasynyń úzdik komandalarymen qosymsha irikteý oıyndaryn ótkizedi.
Tórt komandasy bar toptar (Qazaqstan quramasy oınaıtyn toptar) irikteýdi 2025 jyldyń qyrkúıeginde bastaıdy. Bes komandasy bar toptar óz oıyndaryn naýryzda bastaıdy.
2026 jylǵy álem chempıonaty qaıda ótedi?
Fýtboldan kelesi álem chempıonaty 2026 jyldyń 11 maýsymy men 19 shildesi aralyǵynda AQSH, Meksıka jáne Kanada elderinde ótedi. Bul týrnırge alǵash ret 48 komanda qatysady.
Qazaqstan quramasy áli álem chempıonatyna qatysqan emes. Aldyńǵy týrnır 2022 jyly Katarda ótken bolatyn, onda jeńimpaz ataǵyn Argentına quramasy ıelendi.