Tanymal kıno akteri Farhat Ábdiraıymov kózi tiri bolsa, 57 jasqa tolar edi.
Almatyda belgili kıno akteri Farhat Ábdiraıymovtyń týǵan kúnine oraı eske alý keshi ótti. Óner maıtalmany kózi tiri bolsa, 21 qańtarda 57 jasqa tolar edi, dep habarlaıdy Almaty-akshamy.kz
Kesh barysynda akterdiń týǵan-týystary, jaqyn dostary men áriptesteri jyly estelikterimen bólisti. Kórermenderge «Dosym» (2023) derekti fılmi men 1999 jyly ekranǵa shyqqan «Fara» kórkem fılmi kórsetildi.
«Fara jaı ǵana aqkóńil, qarapaıym adam bolǵan joq, ol árqashan jaqsylyq jasaýdy tý etken azamat edi. Ol óz isiniń kásibı mamany edi, halqy ony qatty jaqsy kórdi, eshqashan umytpaıdy», - dedi kınorejısser, Qazaqstannyń eńbek sińirgen qaıratkeri Sergeı Ázimov.
Aıta ketelik, Farhat Ábdiraıymov 2021 jyldyń mamyrynda Grýzıada túsirilim barysynda kóz jumdy. Farhat Ábdiraıymov «Shanhaı», «Aqsýat», «Mahabbat tálkegi», «Sıqyrshy demeýshi», «Jel adam», «Shekara», «Paralel álem», «Geızer», «Úsh lımon», «Batyr», «Eń sulý», t.b kóptegen fılmderge túsken.