Jeke paıdalaný úshin belgisiz bireýden esirtki satyp alǵan er adam ustaldy
Aldyn ala boljam boıynsha, Almaty qalasynyń 45 jastaǵy turǵynynan gashıshqa uqsas ósimdik tektes jasyl tústi untaq zaty bar 11 býma tárkilendi, dep habarlaıdy Almaty-akshamy.kz Polisia.kz-ke silteme jasap.
«Taýgúl yqsham aýdanyndaǵy úılerdiń biriniń aýlasynda ýchaskelik ınspektor qujattaryn tekserý úshin kúdikti er adamdy toqtatty. O.esimdi azamat polısıa qyzmetkerlerine dereý tyıym salynǵan zattardy bergen. Ustalǵan azamat túsindirgendeı, ol belgisiz er adamnan jeke paıdalanýy úshin 30 myń teńgege esirtki satyp alǵan. Esirtkini satyp alǵannan keıin kúdikti óz úıine qaraı jol tartqan, sol jerde ustaldy. Qazirgi ýaqytta sot-hımıalyq saraptama taǵaıyndaldy. Qylmystyq is aıasynda esirtki zattaryn satýmen aınalysqan azamatty anyqtaý boıynsha jedel izdestirý sharalary júrgizilýde», – dedi Áýezov aýdandyq PB janyndaǵy polısıa bóliminiń bastyǵy Elnur Qudretbaev.