Esirtki qylmysyna qarsy kúres basqarmasynyń polıseıleri Áýezov aýdandyq PB-nyń qyzmetkerlerimen birlesip, «tájirıbeli» esirtki taratýshyny qolǵa túsirdi, dep habarlaıdy Almaty-akshamy.kz Polisia.kz-ke silteme jasap.
«Túrkistan oblysynyń 26 jastaǵy turǵyny kýrer – “esirtki qoıyp ketýshi” bolyp jumys istegen. Jas jigittiń messendjer arqyly “jumys berýshige” jasaǵan jumysy týraly esep jiberip otyrǵandyǵy anyqtaldy: sýret pen geolokasıany kórsetetin mekenjaıdy jibergen. Osy ádispen “tapsyrmalardy” alǵan. Ol “jumysy úshin” tólemdi krıptovalútamen qabyldaǵan. Kúdikti "Altyn besik" shaǵynaýdanyndaǵy úılerdiń biriniń mańynda ustaldy. Jeke tintý kezinde odan kók jáne sary tústi ızolentaǵa oralǵan erekshe ıisti, aqshyl tústi zaty bar 26 býma tabyldy jáne tárkilendi. Saraptama qorytyndysy boıynsha bul zat mefedron esirtkisi bolyp shyqty», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Sotqa deıingi tergeý QR QK-niń 297 baby 3 bóligi (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha júrgizilip jatyr