Quqyq qorǵaý organdarynyń málimetinshe, 28 jastaǵy azamat shaǵyn nesıe alýǵa arnalǵan japsyrmalar taratýmen aınalysqan.
Alaıda QR-kodty skanerlegen kezde qoldanýshylar nesıe berý servısine emes, esirtki satýmen aınalysatyn ınternet-resýrsqa kirip ketken, dep habarlaıdy aqshamnews.kz.
- Kúdikti óziniń qylmystyq áreketin moıyndady. Onyń mindeti – qoǵamdyq kólik aıaldamalaryna, bılbordtarǵa, baǵanalarǵa paraqshalar japsyrý bolǵan. Ol qyzmeti úshin tólemdi krıptovalúta túrinde alyp otyrǵan. Qazirgi tańda ustalǵan azamattyń áreketine quqyqtyq baǵa berilýde. Sondaı-aq onyń jumys berýshileri anyqtalyp jatyr, – dedi Jetisý aýdandyq polısıa basqarmasynyń bastyǵy Jánibek Shynasylov.
Kúdikti ýaqytsha ustaý ızolátoryna qamaldy. Atalǵan fakti boıynsha QR Qylmystyq kodeksiniń 299-1-baby (Esirtki quraldarynyń nemese psıhotroptyq zattardyń jarnamasy nemese zańsyz nasıhaty) boıynsha qylmystyq is qozǵaldy. Tergeý múddesine baılanysty istiń ózge mán-jaıy jarıa etilmeıdi. Qazaqstan Respýblıkasynyń Konstıtýsıasyna jáne Qylmystyq kodeksine sáıkes, kez kelgen azamattyń kinási sot sheshimi zańdy kúshine engenge deıin dáleldenbegen bolyp sanalady.