Qylmys tańerteń Almatynyń Almaly aýdanynda boldy.
Almatyda sýpermarkettiń esepshisine shabýyl jasaǵan kúdikti ustaldy, - dep habarlaıdy aqshamnews.kz Polisia.kz-ke silteme jasap.
Polıseıler sýpermarket esepshisine shabýyl jasaǵan 39 jastaǵy er adamdy ustady. Turǵyn úıdiń aýlasynda belgisiz bireý áıeldi tapanshamen qorqytyp, odan aqsha talap etken. Qaskóıdiń oljasy 400 myń teńge boldy.
«Qaskóı óziniń betin sharfpen japqan. Qylmys jasaǵannan keıin ol qashyp ketken, al áıel polısıaǵa ózine shabýyl jasalǵany týraly habarlaǵan. Tergeý-jedel toby qurylyp, jedel-izdestirý sharalary uıymdastyryldy. Túske taman 39 jastaǵy kúdikti ustaldy. Arnaıy is-shara qala ortalyǵynda, Abylaı han dańǵylynyń boıynda júrgizildi. Qaskóıdiń shabýyldy josparlaǵany jáne úlken paıdaǵa úmittengeni belgili boldy. Shabýyl jasaǵan adam qamaýǵa alyndy. Gaz tapanshasy tárkilendi», – dedi Almaty qalalyq polısıa Departamenti bastyǵynyń birinshi orynbasary Qýatbek Naýatov.