Jelide Almatydaǵy turǵyn úı keshenderiniń birinde er adam 10 jastaǵy balany uryp-soqqany beınelengen vıdeo tarap júr.
Oqıǵa turǵyn úıdegi lıftide bolǵan, dep habarlaıdy almaty-akshamy.kz.
Beınerolıkte oqıǵa 23 shilde kúni 14:36-da bolǵany jazylǵan. Quqyq qorǵaý organdary atalǵan oqıǵaǵa baılanysty tergeý júrgizilip jatqanyn málim etti.
«Er adam anyqtalyp, polısıaǵa jetkizildi. Onyń áreketine quqyqtyq baǵa beriledi. Ózge málimetter anyqtalyp jatyr», dep habarlady qalalyq PD baspasóz qyzmeti.