Jastar men bitirýshi túlekterdi jumyspen qamtý maqsatynda Almatyda eńbek jármeńkesi ótti, dep habarlaıdy almaty-akshamy.kz.
İs-sharaǵa 50-den astam kompanıa, 18 orta oqý jáne 4 joǵary oqý ornynyń ókilderi qatysty. Jumys usynýshylardyń qatarynda qurylys, meıramhana bıznesi jáne qyzmet kórsetý salasynyń mekemeleri boldy. Jyl saıyn ótkiziletin festıvál bıyl Naýryzbaı aýdanynda uıymdastyryldy.
«Bilimdi ult», «Sapaly bilim» ulttyq jobasyn júzege asyrý maqsatynda jylda eńbek jármeńkesi uıymdastyrylady. Mundaı is-sharalar NEET sanatyndaǵy jumyssyz jastardyń azaıýyna sebepshi. Sondaı-aq, jumysqa ornalastyrýshy múddeli qurylymdardyń biliktiligin de arttyrady. 2024 jylǵy jármeńkege 5 myńǵa jýyq stýdent pen erikti qatysty.
- Almaty qalasy boıynsha jármenkege shaqyrylyǵan 65 mekemedeı bar. Basty maqsat - ekonomıkamyzdy damytý. Qala boıynsha jumys oryndary tapshy. Qazirgi ýaqytta eńbek naryǵynda qandaı suranys baryn anyqtaýdy kózdeımiz, - deıdi Almaty kópsalaly koleji dırektorynyń orynbasary Baýyrjan Enkenov.
Elimizde tehnıkalyq baǵytta jumys isteıtin maman tapshy. Ásirese, avtomattandyrý salasyna, óndiris zaýyttaryna tehnıkalyq kadrlar qajet. Naýryzbaı aýdanynda oqyp jatqan 40 myń stýdenttiń osy qatardy tolyqtyratynyna senemiz, dedi aýdan ákiminiń qyzmetkeri.
- Bizdiń aýdanymyzda qurylys salasynda kópsalaly kolej bar, Ekonomıkalyq kolej bar. Olar qazirgi tańda naryqqa qajetti mamandyqtardy oqytýda. Erteń túlekterimiz qolyna dıplom alyp, eńbek jolyn bastaıdy, - deıdi Áýezov aýdany ákiminiń orynbasary Baný Manapova.
- Jármeńkede mamandyǵymyz boıynsha jumys qaraı alatynymyzǵa qýanyshtymyz. Keleshekte teorıalyq jáne tájirıbelik múmkindigimizdi jaqsy deńgeıde kórsete alamyz dep oılaımyn, - dedi Alına Rao stýden.
Aıta keteıik, bul baǵytta byltyr bilim basqarmasynyń bastamasymen «jobfair365» qosymshasy ázirlengen edi. Sondaı-aq, qalada mansap ortalyqtary da iske qosylǵan.