Almatyda emhana meńgerýshisi jalǵan vaksına pasportyn satqany úshin ustaldy. Qalalyq sybaılas jemqorlyqqa qarsy qyzmetiniń málimetinshe, onyń qaramaǵyndaǵylar men deldaldar da ustaldy, dep habarlaıdy almaty-akshamy.kz
Olar aqshalaı syıaqyǵa 100-den astam jalǵan vaksına pasportyn jasap, ony satty degen kúdikke ilindi. Iaǵnı, medısına qyzmetkerleri densaýlyq saqtaý mınıstrliginiń «Vaksınalaý» elektrondy modýline jalǵan aqparat engizgen. Sonyń negizinde «egov.kz» elektrondy úkimet portalynda azamattardyń koronavırýs ınfeksıasyna qarsy vaksına alǵany týraly jalǵan elektrondy pasporttar jasalǵan.
Sotqa deıingi tergeý jalǵasyp jatyr. Kúdiktilerge qatysty sońǵy sheshimdi sot qabyldaıdy.