6 shilde kúni Abaı alańynda saǵat 20:00-de Astananyń 25 jyldyǵyna arnalǵan merekelik konsert ótedi.
Sahnada Lýına, Ziruza, Akim, Kyle Ruh, Bonapart, C.C.Tay, Malika Yes, Aya Funk, Rin'Go, «Jigitter», «Baqaı» toby jáne t.b. óner kórsetedi, dep habarlaıdy Almaty-akshamy.kz.
Elorda kúnin toılaý aıasynda qalada fleshmobtar, dóńgelek ústelder, kórmeler, dárister, ekspozısıalar men poezıa keshteri ótedi.4 shilde kúni, saǵat 19:00-de Yqylas atyndaǵy mýzykalyq aspaptar murajaıynda Made in KZ tobynyń qatysýymen «Asqaqtaı ber, Astana» konserti bolady. 5 shilde kúni, saǵat 14.00-de Alatau Creative Hub-ta «Jarqyrap, jaınaı ber, Astana!» kitap kórmesi men balalarǵa arnalǵan zıatkerlik oıyn ótedi.
Buǵan qosa, merekelik is-sharalar qalanyń barlyq aýdanynda ótedi:
- Naýryzbaı aýdany: merekelik konsert, 5 shilde saǵat 11:00-de, Inovasıalyq shyǵarmashylyq ortalyǵy, Shuǵyla sh/a., 347/4;
- Alataý aýdany: konsert, 5 shilde saǵat 17:00-de, Atletıkalyq aýyl, Nurkent sh/a., 5/2;
- Túrksib aýdanynda: Elorda kúnine oraı estrada juldyzdary men kórkemóner ujymdarynyń qatysýymen 5 shilde kúni saǵat 18:00-de Saýranbaev kóshesindegi Arbatta merekelik is-shara ótedi. Saǵat 20:30-da ashyq aspan astyndaǵy fılm kórsetiledi;
- Áýezov aýdanynda: Astana kúnin toılaýǵa arnalǵan merekelik konsert 6 shildede saǵat 11:00-de «Family» saıabaǵynda ótedi;
- Medeý aýdanynda: Elorda kúnine oraı shyǵarmashylyq ujymdardyń qatysýymen merekelik konsert 6 shilde kúni saǵat 11:00-de Gogol kóshesi, 1 mekenjaıyndaǵy Ortalyq mádenıet jáne demalys saıabaǵynda ótedi;
- Almaly aýdanynda: Astana kúnine arnalǵan merekelik konsert 6 shildede saǵat 17:00-de «MEGA Park» SOO aýmaǵynda ótedi.
- Bostandyq aýdanynda: merekelik konsert 6 shildede saǵat 18:00-de Mega Center Alma-Ata SOO amfıteatrynda ótedi.