Megapolıste vaksınasıalanǵandardyń sany 1 mln adamnan asty
Baqytjan Saǵyntaev megapolıs aýdandary arasynda vaksınasıa boıynsha aýtsaıderler men kóshbasshylardy atady, dep habarlaıdy Almaty-akshamy.kz
Almaty óńirler boıynsha halyqty profılaktıkalyq ımmýndaý qarqyny boıynsha burynǵysynsha kósh bastap tur. Megapolıste 1 005 496 adam óz densaýlyǵyn jáne aınalasyndaǵylardyń densaýlyǵyn qorǵaýǵa qamqorlyq jasady, 955 410 adam vaksınasıanyń tolyq kýrsynan ótti. Megapolıs ákimi Baqytjan Saǵyntaev Akimat LIVE baǵdarlamasy arqyly qalalyqtarmen tikeleı translásıa barysynda óńirler boıynsha halyqty vaksınasıalaý qarqyny týraly aıtyp berdi.
«Búgingi tańda mıllıonnan astam almatylyq vaksına aldy, bul vaksınasıalaýǵa jatatyn halyqtyń jalpy sanynyń 76,5% - yn quraıdy. Áýezov jáne Bostandyq aýdandary artta qalyp keledi. Naýryzbaı aýdany tolyqtaı derlik aıaqtady, búginde bul kórsetkish 95 paıyzǵa jetti. Alataý aýdanynda 81,7 %, Medeý, Túrksib jáne Almaly aýdandarynda jaqsy qarqynmen keledi», – dedi ákim.
Megapolıs basshysy sondaı-aq Almatyda revaksınasıa naýqany 20 qarashada bastalatynyn atap ótti.
«Bizde revaksınasıa bastalmaq, al kóbisi áli birinshisin alǵan joq. Halyq sanaǵy aıaqtaldy, is júzinde bizde 2 mıllıonnan astam adam bar, ıaǵnı bizde vaksıanasıalanǵan mıllıon turǵyn bar ekenin eskersek, ujymdyq ımýnıtet 50% shegine jetken joq. Mamandardyń usynysy boıynsha, barynsha tıimdi bolý úshin biz halyqtyń 80% – yn vaksınasıalaýymyz kerek», - dep atap ótti ákim.