Qalada basqa elderde tirkelgen kólik quraldaryn paıdalaný erejeleri túsindiriledi
Almaty polısıasynda sheteldik kólik ıeleri úshin jedel jeli telefony jumys isteıdi, dep habarlaıdy Almaty-akshamy.kz QazAqparatqa silteme jasap.
«Almatyda basqa elderde tirkelgen kólik quralyn paıdalaný erejelerin túsindirýge arnalǵan sall-ortalyqtary jumys isteıdi. Ákimshilik polısıa basqarmasynyń málimetinshe, aýyzsha keńesti 8-747-733-10-20 telefon nómiri arqyly alýǵa bolady»,- dep habarlady Almaty qalalyq polısıa departamentiniń baspasóz qyzmeti.
Buǵan deıin QR İshki ister mınıstrligi reseılik nómirli kólikterdi tirkeýde eshqandaı jeńildiktiń bolmaıtynyn málim etken bolatyn.
QR İİM Ákimshilik polısıa komıteti tóraǵasynyń orynbasary Serik Túsipovtyń aıtýynsha, Qazaqstan aýmaǵyna syrttan ákelingen kez kelgen kólik zańǵa saı tirkeýden ótýi tıis. Jáne talap barlyq azamattarǵa ortaq. Iaǵnı kólik tirkeýge qatysty zańda belgili bir sanattaǵy azamattarǵa jeńildik jaǵy qarastyrylmaǵan.
Sondyqtan da elimizde tirkelmegen kólik ıeleri erejege baǵynýy kerek. Olaı bolmaǵan jaǵdaıda zań aıasynda avtokóligi tárkilenip, ıesine aıyppul salynady. Aıta ketsek, Qazaqstanda júrgen reseılik nómirli 88 myń kóliktiń tirkeýden shyǵarylǵany anyqtaldy.