Shaharda eki kúnde 315 adam revaksınasıadan ótken
Bul týraly Óńirlik komýnıkasıalar qyzmetiniń baspasóz máslıhatynda №7 emhananyń bas dárigeriniń orynbasary Nurbol Jumabekov málim etti, dep habarlaıdy Almaty-akshamy.kz
«22 qarashadan bastap barlyq qalalyq emhanalarda revaksınasıa naýqany bastaldy. Búginde ekpeni medısına qyzmetkerleri, pedagogter, kúsh qurylymdarynyń qyzmetkerleri, medısınalyq-áleýmettik mekemelerdiń mamandary men kontıngenti, 60 jastan asqan jáne ımýnıteti tómen adamdar ala alady», - dedi dáriger.
Onyń aıtýynsha, revaksınasıa buryn jasalǵan ekpeniń tómendegen tıimdiligin qaıtarady. Sonymen qatar ol qaıta egý vektorlyq vaksına saldyrǵan bolsa – 9 aıdan keıin, al belsendi emes vaksınalar men m-RNQ vaksınalar ekken bolsa – 6 aıdan keıin jasalatynyn eske saldy. Nurbol Jumabekov egilmegen halyqty vaksınanyń eki komponentin alýǵa shaqyrdy.
Sondaı-aq osy ýaqytqa deıin vaksınadan bas tartqandar úshin ol reanımasıaǵa ekskýrsıa júrgizýdi usyndy, onda koronavırýs juqtyrǵan adamdar ómir úshin kúresip jatyr.
«KVI-ge qarsy vaksınalaý bastalǵannan beri bir jylǵa jýyq ýaqyt ótti jáne barlyq skeptıkter onyń arqasynda aýrýdyń taralý qarqyny toqtaǵanyn túsindi. «Jasyl aımaqqa» aýysqanymyz – bul vaksınasıa nátıjeleriniń biri», - deıdi spıker.
Sóz sońynda ol tumaýǵa qarsy ımmýndaýdy usyndy, biraq tumaý men kovıdke qarsy vaksınany bir mezette almaǵan jón, olardyń arasyndaǵy ınterval kem degende 14 kún bolýy kerek.