Kásipker keltirilgen materıaldyq shyǵyndy 336 myń teńgege baǵalaǵan.
Almatyda eki er adam loto avtomatyn buzyp, aqshasyn alyp ketken, – dep habarlaıdy Almaty-akshamy.kz Polisia.kz-ke silteme jasap.
Almaty oblysynyń eki turǵyny oıyn avtomatyn buzyp aqsha tappaq bolǵan. Polıseılerdiń málimetinshe, buryn sottalǵan 35 jáne 31 jastaǵy eki er adam Medeý aýdanyndaǵy býtıkke kirip, apparatty buzyp, sol jerden 140 myń teńge urlap ketken.
«Jedel-izdestirý is-sharalary barysynda kúdiktiler ustaldy. Olar urlyq jasaǵandaryn moıyndady. Atalǵan derek QR QK-niń 188-baby 3-bóligi (Urlyq) boıynsha sotqa deıingi tergeýdiń biryńǵaı tizilimine tirkeldi. Ustalǵandardyń jeke basy osyǵan uqsas qylmystarǵa qatysy bar-joǵyna tekserilýde. Aıta keteıik, eki jigit te buǵan deıin bótenniń múlkin urlaǵany úshin sottalǵan bolatyn. Qazir olar ýaqytsha ustaý ızolátoryna qamaldy», – dedi, Medeý aýdandyq PB-ǵa qarasty polısıa bóliminiń bastyǵy Ábdinur Tasybaev.
QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.