Dýlatı kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteý engiziledi.
8 shilde kúni saǵat 22:00-den 9 shilde saǵat 06:00-ge deıin «Qazselqorǵaý» ǵımaraty mańyndaǵy kópirden bastap «Ulytaý» meıramhanasyna deıingi aralyqta kólik qozǵalysy jabylady.
9 shilde saǵat 22:00-den 10 shilde saǵat 06:00-ge deıin «Ulytaý» meıramhanasynan bastap «Tilek Tas» meıramhana keshenine deıingi aralyqta qozǵalys shekteledi.
Jóndeý júrip jatqan ýchaskede eskertý belgileri men merdiger uıym basshysynyń baılanys málimeti kórsetilgen aqparattyq taqtalar ornatylady. Osyǵan baılanysty, marshrýtyńyzdy aldyn ala josparlaýyńyzdy suraımyz.
Esterińizge sala keteıik, qozǵalysty shekteýge qatysty barlyq aqparat @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde jazylǵan.