Almatyda dinı taqyryptaǵy úzdik jumystardy (maqalalar, beınerolıkter jáne t.b.) daıyndaý boıynsha ótken baıqaý jeńimpazdaryn marapattaý rásimi ótti.
İs-sharany Almaty qalasy Din isteri basqarmasynyń tapsyrysy boıynsha «JASTAR» jastar qoǵamdyq birlestigi uıymdastyrdy, dep habarlaıdy aqshamnews.kz.
Shyǵarmashylyq jarysqa Almatyda jumys isteıtin jergilikti jáne respýblıkalyq BAQ jýrnalıseri, stýdentter, táýelsiz pýblısıser men blogerler qatysty. Baıqaýǵa on nomınasıa boıynsha 220-dan astam ótinim tústi. Jumystar zaıyrlylyq, toleranttylyq, konfesıaaralyq kelisim, qazaq halqynyń rýhanı qundylyqtary, dástúr men din, patrıotızm, Otanǵa degen mahabbat, Qazaqstannyń tarıhı jáne qasıetti oryndary, radıkaldy ıdeologıanyń zıandylyǵy jáne destrýktıvti dinı aǵymdar sıaqty ózekti máselelerdi qamtydy.
Barlyq jumystardy qarap shyqqan qazylar alqasy jeńimpazdardy anyqtap, olarǵa dıplomdar men aqshalaı sertıfıkattar tabys etti. Jeńimpazdardy marapattaý rásimin Din isteri basqarmasy basshysynyń orynbasary Álimbek Álimbekuly ótkizdi.
«Digital Art aıasyndaǵy úzdik fotojoba» nomınasıasynda Ádilet Myńjasarov jeńimpaz atandy.
«Úzdik óleń» nomınasıasynda Baıkon Dıhan marapattaldy.
«Úzdik uran men devız» nomınasıasynda Aqmarjan Naqnavınanyń eńbegi erekshelendi.
Baýyrjan Botaqaraev «Úzdik pikir» úshin marapatqa ıe boldy.
«Qazaq úni» gazeti orys redaksıasynyń redaktory Dastan Eldesov «Áleýmettik jelilerdegi úzdik taqyryptyq post» nomınasıasynyń jeńimpazy atandy.
Qazaq tilindegi ınternet-resýrstaǵy úzdik maqala avtory Aqmaral Mahambetáli, al orys tilindegi ınternet-resýrsta úzdik maqala nomınasıasyn Shynar Ábzelbek jeńip aldy.
Instagram jelisindegi úzdik beınerolık úshin Bekhan Tasbolat marapattaldy.
TikTok-taǵy úzdik beınerolık úshin Janarys Onaıbaıǵa syılyq tabystaldy.
Eń úzdik áleýmettik rolıktiń avtory Ersultan Rahımbek boldy.
Jeńimpazdarǵa berilgen júldelerdiń mólsheri 50 000 teńgeden 350 000 teńgege deıin boldy. Baıqaýdy uıymdastyrýshylar qatysýshylarǵa alǵysyn bildirip, atalǵan dinı aǵartý salasyndaǵy eńbektiń mańyzdylyǵyn atap ótti. Olar jeńimpazdardyń jumystary halyqtyń dinı saýattylyǵyn arttyrýǵa, destrýktıvti aǵymdarǵa qarsy kúreske úles qosqanyn aıtty.
Almatylyq Nurgúl Aıapbergenova baıqaý týraly Instagram jelisinen bilgen. Ol shyǵarmashylyq jarysqa qatysyp, «Úzdik poezıa» nomınasıasynda jeńimpaz atandy.
– Ideıamdy ázirleýge shamamen bir jarym aı ketti. «Oıatý» («Probýjdenıe») atty shyǵarmamda halyqty dástúrlerdi saqtaýǵa shaqyrdym. Shyǵarmashylyǵymda adamdarǵa máńgilik qundylyqtardy eske salǵym keldi. Qazir destrýktıvti baǵyttar óte kóp, sondyqtan aqparattyq-aǵartýshylyq jobalardy jıi ótkizý qajet dep oılaımyn. Durys ıdeıalardy nasıhattaý óte mańyzdy, – dep atap ótti baıqaý qatysýshysy.