Respýblıkalyq atestattaý úsh kúnge jalǵasady
Almatyda din qyzmetkerleriniń respýblıkalyq kezekti atestattaýy bastaldy, dep habarlaıdy Almaty-akshamy.kz.
Almaty ortalyq meshitiniń baspasóz qyzmeti habarlaǵandaı, shahardaǵy 54 meshitte qyzmet etetin ımamdar men ustazdar saraptaý komısıasynyń synaǵynan ótedi.
«Synaq barysynda din qyzmetkerlerine qyraǵat, tájýıd, aqıda, fıqh, Islam tarıhy salalary boıynsha suraqtar toptastyrylǵan bıletter usynyldy. Din qyzmetkerleriniń bilimin saraptap, biliktiligin baǵalaý úshin QMDB qyzmetkerlerinen quralǵan komısıa músheleri qosymsha tapsyrmalar berip, meshit erejesi, konseptýaldy qujattar, basqa da ákimshilik saýaldar arqyly biliktilik deńgeıin anyqtaıtyn bolady», - dep habarlady Almaty ortalyq meshiti.
Aıta keteıik, Almaty qalasynyń din qyzmetkerleriniń bilimin saraptaýǵa arnalǵan respýblıkalyq atestattaý úsh kúnge jalǵasady.