Tamyz aıynyń sońynda bastalǵan «Digital Ustaz Almaty» atty pedagogtar arasyndaǵy jyl saıynǵy qalalyq konkýrstyń aıasynda, baıqaý keńesiniń múshelerine konkýrsty odan ári ilgeriletý boıynsha aǵymdaǵy nátıjeler men josparlar tanystyryldy, dep habarlaıdy almaty-akshamy.kz
Otyrys barysynda qala ákimi Baqytjan Saǵyntaev, ásirese, pandemıa kezinde bilim berýdiń jańa standarttarǵa kóshýiniń mańyzdylyǵyn atap ótti: «Álemniń kóptegen elderinde, sonyń ishinde Qazaqstanda sıfrlyq bilim berý salasynda pedagogterdiń tek 50%-y bazalyq kompúterlik saýattylyqty paıdalanady. Al muǵalimderdiń tek 13%-y sıfrlyq quzyretke ıe. Sondyqtan, oqý prosesin zamanaýı, qoljetimdi jáne, eń bastysy, balalarǵa túsinikti etý úshin respýblıkanyń barlyq mektepterinde bilim berýdi transformasıalaýǵa jol salatyn alǵashqy «Digital Ustaz Almaty» qalalyq konkýrsy uıymdastyrylǵan».
Jobanyń birlesken uıymdastyrýshysy, «EdCrunchAcademy» zamanaýı bilim berýdi damytý ınstıtýtynyń ókili Nurlan Qıasov júrgizilgen zertteýlerge sáıkes, muǵalimderdiń kópshiligi oqytýdyń eskirgen ádisterin qoldanatynyn rastady.
«Bizdiń qashyqtyqtan bilim berý ádisimiz – tutynýshyǵa mazmundy «jedel jetkizý» júıesi bolyp tabylady. Oǵan qosa, osy kúnge deıin tek Qazaqstanda ǵana emes, TMD elderinde de oqý men aqparattyń qol jetimdiliginiń teńsizdigi bar. Konkýrs halyqaralyq sarapshylardan sıfrlyq bilim berý salasynda bilim bere otyryp, barlyq muǵalimderdi biriktirýge baǵyttalǵan. Nátıjesinde qala ár bala úshin jańa yntalandyrýshy orta men muǵalimderge arnalǵan 100 jańa ádistemege ıe bolady», - dep atap ótti sarapshy.
Jobanyń ıdeıasyn keńestiń teń tóraǵasy, «Nursultan Nazarbaevtyń Bilim berý qory» QQ dırektory Dınara Kýlıbaeva da qoldap, Digital Ustaz Almaty konkýrsyn ótkizý bastamasy Almaty qalasynyń muǵalimderi úshin jaqsy yntalandyrý bolatynyn atap ótti.
Esterińizge sala keteıik, búgingi tańda tirkelgen bir jarym myńnan astam mektep pedagogtary «Digital Ustaz Almaty» birinshi qalalyq konkýrsynyń aıasynda halyqaralyq sarapshylardan bilim alýda. Mektepte oqytý prosesi barysynda sıfrlyq tehnologıalardy qoldanýdy tanymal etýge baǵyttalǵan konkýrs 3 kezeńde ótedi, onyń barysynda qatysýǵa ótinim bergen 1-12 synyp muǵalimderi sala mamandarynyń vebınarlaryn tyńdap, óz materıaldaryn, sabaqtary men sheberlik synyptaryn pysyqtap, álemniń úzdik sarapshylarynan oqýdan ótýleri qajet.
«Digital Ustaz Almaty» sheńberinde pedagogtar SMM jáne blogıng, sıfrlyq qaýipsizdik negizderin, ınfografıkany qurýdy úırenedi. Kontent-josparlar qurý jáne medıa materıaldarmen jumys isteýden basqa, muǵalimderge yńǵaıly qosymshalar men qyzmetter usynylady, al oń tájirıbesi bar áriptester keńesterimen vebınarlarda bólisedi.
Konkýrsqa ótinimderdi qabyldaýdyń aıaqtalýyna eki aptadan az ýaqyt qaldy – 1 qazan kúni «Digital Ustaz Almaty» qatysýshylary arasynda ekinshi týrǵa ótetin 100 úzdik pedagog irikteledi, onda sıfrlyq quraldardy paıdalana otyryp sabaq ázirlenetin bolady. Al qarasha aıynda fınalǵa Fınlándıaǵa taǵylymdamaǵa barý úshin kúresetin 30 muǵalim jiberiledi.
Joba Qazaqstan Respýblıkasy Táýelsizdiginiń 30 jyldyǵyna oraılastyrylǵan jáne Qazaqstan Respýblıkasy Bilim jáne ǵylym mınıstrliginiń qoldaýymen, Almaty qalasy ákimdiginiń, «Nursultan Nazarbaevtyń Bilim berý qory» QQ, «EdCrunchAcademy» zamanaýı bilim berý ınstıtýtynyń uıymdastyrýymen ótkizilgen. Bas seriktes «Almaty kitap» baspasy boldy.
Baıqaý keńesiniń quramyna Almaty qalasy ákimdiginiń, QR Bilim jáne ǵylym mınıstrliginiń ókilderi, QR Parlamenti Májilisiniń, Almaty qalasy máslıhatynyń depýtattary, sondaı-aq eńbek sińirgen pedagogtar men bilim berý mekemeleriniń ókilderi kirdi.
«Digital Ustaz Almaty» baıqaý keńesiniń quramy
Keńes tóraǵasy, Almaty qalasynyń ákimi Baqytjan Saǵyntaev,
Keńestiń teń tóraǵasy, «Nursultan Nazarbaevtyń Bilim berý qory» QQ dırektory Dınara Kýlıbaeva,
Qazaqstan Respýblıkasy Bilim jáne ǵylym vıse-mınıstri Bıbigúl Asylova,
Almaty qalasy ákiminiń orynbasary Erjan Babaqumarov,
Almaty qalasy bilim basqarmasynyń basshysy Lázzat Jylqybaeva,
«Sábı» QQ Prezıdenti, Sh. Ýálıhanov atyndaǵy mekteptiń quryltaıshysy Ásel Tasmaǵambetova,
TanmediaGroup Dırektorlar keńesiniń tóraǵasy, Almaty qalasy máslıhatynyń depýtaty Armanjan Baıtasov,
«Almaty kitap» baspasy dırektorlar keńesiniń tóraǵasy Eleonora Batalova,
Abaı atyndaǵy QazUPÝ rektory Darhan Bilálov,
Qazaqstan Respýblıkasy Parlamenti Májilisiniń depýtaty Irına Smırnova,
Almaty qalasy №47 mektep muǵalimi, bloger Sultan Súleev,
Qazaqstan Respýblıkasy Parlamenti Májilisiniń depýtaty Juldyz Súleımenova,
Hımıa pániniń muǵalimi, ForbesKazakhstan «30 moloje 30» reıtıńiniń qatysýshysy Ulan Úsenov,
Almaty jyl muǵalimi-2020, № 133 JOBBM bastaýysh synyp muǵalimi Maqpal Chýkeeva.