Almaty turǵyny qala ákimi Erbolat Dosaevtyń Bostandyq aýdanynyń turǵyndarymen kezdesýi barysynda deratızasıalyq óńdeýdi júrgizýge nazar aýdardy.
Qala basshysy deratızasıa qyzmetteri tehnıkalyq jaǵynan tolyq jabdyqtalǵanyn jáne shtattyq rejımde jumys isteıtinin, bul máselede problemalar joq ekenin atap ótti.
Komýnaldyq ınfraqurylymdy damytý basqarmasynyń basshysy qalada deratızasıanyń ekinshi kezeńi júrgizilip jatqanyn aıtty.
«Deratızasıanyń ekinshi kezeńi kúzde bastaldy. 24 qazanǵa deıin qala deratızasıalyq jumystarmen tolyq qamtamasyz etiledi», - dedi Dýlat Ashkenov.
Kemirgishter anyqtalǵan jekelegen jaǵdaılarda megapolıs ákimi Almaty qalasy ákimdiginiń Open Almaty qoǵamdyq qabyldaýynyń resmı veb-portaly arqyly júginýdi usyndy.