Infraqurylymdy jańǵyrtý jáne búdjetti ulǵaıtý: Almatyda densaýlyq saqtaý salasy qalaı damyp otyr
Almatyda densaýlyq saqtaý salasynda 32 nysan salý jáne jańǵyrtý josparlanyp otyr. Bul týraly qala ákimi Erbolat Dosaev OKQ-de ótken kóshpeli brıfıńte málimdedi, - dep habarlaıdy aqshamnews.kz
Bıyl densaýlyq saqtaý salasynyń qarjylandyrý 25%-ǵa artty. Ásirese, densaýlyq saqtaý ınfraqurylymyn jańǵyrtýǵa erekshe nazar aýdaryldy.
Bıyl Almatynyń máslıhaty medısınalyq-sanıtarlyq kómektiń birińǵaı standartyn bekitti, sonyń aıasynda 4 MSAK ortalyǵy men 1 emhana salyndy, sondaı-aq 32 nysannyń qurylys jáne jańǵyrtý jobalary (15 aýrýhana, 2 perzenthana, 7 emhana, 6 MSAK ortalyǵy) ázirlenýde.
Sonymen qatar, 2024 jyly qalada Balalarǵa shuǵyl medısınalyq kómek kórsetý ortalyǵy ashyldy. Balalar arasyndaǵy múgedektik deńgeıin tómendetýge mańyzdy úles qosqan erte aralasý ortalyǵy quryldy.
Qala ákimi densaýlyq saqtaý ınfraqurylymyn jańǵyrtý men damytý turǵyndarǵa medısınalyq qyzmetterdiń qoljetimdiligi men sapasyn jaqsartýda mańyzdy qadam ekenin atap ótti. Bul basym baǵyttaǵy jumystar kelesi jyly jalǵasady.