Almatyda densaýlyq saqtaý ınfraqurylymyna erekshe kóńil bólinedi, dep habarlaıdy aqshamnews.kz
Máselen, bıyl densaýlyq saqtaý salasyn qarjylandyrý 41,6% ósip, 51,7 mlrd teńgege jetti. Bul týraly qalalyq qoǵamdyq densaýlyq saqtaý basqarmasy habarlady. Osylaısha, qarjy medısınalyq jabdyqtar men vaksınalardy satyp alýǵa jáne kúrdeli jóndeýge baǵyttalǵan.
Bıyl 4 MSAK ortalyǵynyń qurylysy jáne 12 emhanaǵa kúrdeli jóndeý jumystary aıaqtalady. Buǵan qosa, 11 jańa MSAK ortalyǵy men emhana, sondaı-aq 3 emhanany kúrdeli jóndeý jobalanady.
Kadrlyq áleýetti arttyrý úshin 2 632 dáriger men orta medısınalyq qyzmetkerdi oqytýdyń úsh deńgeıli baǵdarlamasy iske asyrylyp jatyr. Qazaqstanda alǵash ret 2024 jyly 13 maýsymda Almaty qalasynyń Perınatologıa jáne balalar kardıohırýrgıasy ortalyǵynda «Fetaldi hırýrgıa» pılottyq jobasy iske qosyldy. Jylyna 150 jatyrishilik ota jasaý josparlanǵan.
