Almatyda demalys kúnderi ótetin jármeńkelerde veterınarlyq-sanıtarlyq jáne uıymdastyrýshylyq baqylaý júrgiziledi, - dep habarlaıdy aqshamnews.kz tilshisi.
«Almaty» ÁKK veterınarıalyq-sanıtarıalyq baqylaý salasyndaǵy ýákiletti organdarmen, sondaı-aq aýdan ákimdikterimen birlesip apta saıyn Almaty qalasyndaǵy demalys kúnderi ótetin jármeńkelerde baqylaý jumystaryn júrgizedi.
Ashý aldynda jaýapty qyzmetkerler et, balyq, sút ónimderi, jumyrtqa jáne basqa da tez buzylatyn azyq-túlik ónimderine veterınarıalyq anyqtamalardy jáne fermerlerdiń sertıfıkattaryn tekseredi, saqtaý sharttaryn, temperatýralyq rejımniń saqtalýyn jáne qaptamanyń bútindigin baqylaıdy, qajet bolǵan jaǵdaıda balǵyndyq pen qaýipsizdikke ekspress-synamalar júrgizedi.
Ónimdi satýǵa ýákiletti qyzmetkerlermen kelisilgennen keıin ǵana ruqsat etiledi. Buzýshylyqtar anyqtalǵan jaǵdaıda taýar alynady, al satýshynyń qyzmeti toqtatylady.
Sonymen qatar, jármeńkelerde saýda alańdarynyń sanıtarlyq jaǵdaıy, jumys rejımi, stıhıalyq saýdanyń aldyn alý turaqty baqylaýda.
Demalys jármeńkeleri ár senbi jáne jeksenbi kúnderi saǵat 08:00-den 18:00-ge deıin ótkiziledi. Jármeńkege shyǵarylatyn ónimder deldaldardy aınalyp ótip, tikeleı sharýalar men óńdeý zaýyttarynan jetkiziledi, bul baǵany naryqtyq baǵadan tómen ustaýǵa múmkindik beredi.
Jármeńke mekenjaılary:
• Almaly aýdany: Masanchı kóshesi, Gogol kóshesi men Áıteke bı kóshesiniń arasy
• Bostandyq aýdany: «Qazaqfılm» shaǵyn aýdany, Isınalıev kóshesi
• Áýezov aýdany: Abaı dańǵyly men Ótegen batyr kóshesiniń qıylysy
• Medeý aýdany: Meńdiqulova býlvary, Bekturov kóshesiniń qıylysy
• Alataý aýdany – «Mádenıet» turǵyn úı kesheni.