Qalamyzda osy demalys kúnderi tegin ótetin is-sharalar tizimi.
Saıd Atabekovtyń “Myń salt attynyń duǵasy” kórmesi Qazaqstannyń zamanaýı ónerinde jetekshi oryn alatyn sýretshilerdiń biri týyndylary arqyly dástúr men zamanaýı qundylyqtardy, sondaı-aq dástúrdiń mádenı biregeılikti qalyptastyrýdaǵy rólin zertteıdi. Onyń týyndylary kórermenderdi ótkenge, búginge jáne bolashaqqa oı júgirtýge shaqyryp, jahandyq ózgerister jaǵdaıynda ulttyq sana men mádenı kodtardyń ózara baılanysyn zerdeleıdi.
Ornalasqan jeri: Aspan Gallery, Ál-Farabı dańǵyly, 140 a/3 Kúni: 18 jáne 19 qańtar, 12:00 – 18:00
Kónkı tebý Barshańyzdy Almatydaǵy eń úlken muz aıdynynda kónkı tebýge shaqyramyz! Óz kónkıińizben keletin bolsańyz, syrǵanaý tegin. Sondaı-aq jaqyn jerde 1500 teńgege kónkı jalǵa berý qyzmeti de bar. Ótetin oryndary: Naýryzbaı aýdany ákimdigi aldyndaǵy alań (mkr. “Shuǵyla”, 347) jáne Almaty Arena (mkr. “Nurkent, 7). Kúni: 18 jáne 19 qańtar, 10: 00-22:00
"Ómir aǵashy" kórmesi
Bul kórmede tanymal alty sýretshiniń týyndylary usynylady. Olar áıelderdiń Qazaqstan tarıhyndaǵy orny men mańyzyn beıneleıdi. Ótetin orny: Ortalyq kórme zaly, Jeltoqsan kóshesi, 137 Kúni: 18 jáne 19 qańtar, 10:00 – 19:00
"Muzdy aspan" kórmesi
Sýretshi Elvıra Grıgorán óz jumysynda eki beıneleý tilin – keramıka men fotosýretti biriktiredi. Ónerdiń bul eki túrli tásili aspandy túsinýge arnalǵan quralǵa aınalady. Ol jaqyn jáne alys, dereksiz jáne naqty, ózgermeli ári turaqty bolyp keledi. Ótetin orny: “Óner” art-keńistigi, Shevchenko kóshesi, 51 Kúni: 18 jáne 19 qańtar, 10:00 – 19:00
"Bul shyrsha emes" kórmesi
Kórme zattardy qabyldaýdyń úırenshikti tásilderin qaıta qaraýǵa shaqyrady. Shara barysynda qarapaıym nárselerdiń mádenı jáne jeke mánge ıe bola otyryp, sımvoldarǵa qalaı aınalatyny zertteledi. Ornalasqan jeri: Esentai galereıasy, Ál-Farabı dańǵyly, 77/8 (Esentai Mall, 3 qabat) Kúni: 18 jáne 19 qańtar, 10:00 – 20:00
Qaǵaz kórmesi
Kórmede qaǵazdan jasalǵan óner týyndylary usynylady. Ekspozısıada 1980 jyldan bastap búgingi kúnge deıingi tanymal qazaqstandyq sýretshilerdiń jasaǵan biregeı jumystary qoıylǵan. Orny: Egin Art Space, Nurmaqov kóshesi, 79 Kúni: 18 jáne 19 qańtar, 11:00 – 19:00
"Qysqy vernısaj" kórmesi
Qazaqstannyń belgili qylqalam sheberleri Nurshıdın Baratov pen Alekseı Ýtkın kórermenderge týǵan jerge jáne qalaǵa degen tereń súıispenshilikke toly shyǵarmalaryn usynady. Sýretshilerdi tabıǵı jaryqta, tabıǵı ortada jumys isteý ádisi biriktiredi. Bul tásil olardyń týyndylaryna tabıǵattyń baı boıaýlary men ásemdigin dál jetkizýge múmkindik beredi. Sol sebepti olardyń kartınalary kórermenge shynaıylyǵymen jaqyn. Ol tabıǵattyń tynysy men aqıqatyn aıqyn sezinýge shaqyrady. Orny: Almaty Gallery, Dostyq dańǵyly, 44 Kúni: 18 jáne 19 qańtar, 11:00 – 19:00