Almatydaǵy demalys kúnderindegi jármeńkelerdi uıymdastyrýshy «Almaty» ÁKK AQ qalanyń Alataý aýdanynda aýyl sharýashylyǵy jármeńkesin ótkizedi, dep habarlaıdy aqshamnews.kz
17-18 mamyrda jármeńke pılottyq formatta ótedi, bul jergilikti sharýalarǵa óz ónimderin, onyń ishinde áleýmettik mańyzy bar azyq-túlik ónimderin satýǵa, al turǵyndarǵa olardy qoljetimdi baǵamen satyp alýǵa múmkindik beredi.
«Mádenıet» turǵyn úı kesheniniń aýmaǵynda jeti saýda pavılony ornatylyp, onda jylqy, sıyr, qoı jáne qus eti, sút ónimderi, jumyrtqa, kókónister men jemister, sondaı-aq jańa pisken nan ónimderi qoıylady.
Turǵyndar arasynda suranys bolsa, Alataý óńirindegi jármeńke saýda oryndary men satýshylar kóbeıip, apta saıyn ótkiziletin bolady.
Qazirgi ýaqytta megapolıste demalys kúnderi jármeńkeler qalanyń kelesi aýdandarynda turaqty túrde ótkiziledi:
• Almaly aýdany - Masanchı kóshesi (Áıteke bı kóshesi men Gogol kóshesiniń arasy);
• Áýezov aýdany – Ótegen batyr kóshesi (Abaı dańǵylynyń tómengi jaǵynda)
• Bostandyq aýdany – «Qazaqfılm» shaǵyn aýdany (ál-Farabı dańǵylynyń ústinde);
• Medeý aýdany – Meńdiqulova býlvary – Bekturova kóshesi.
Jármeńkelerge apta saıyn 45 000-nan astam kelýshiler keledi. Ónimderdi Almaty qalasy men Almaty oblysynyń 300-den astam aýyl sharýashylyǵy taýar óndirýshileri men fermerleri usynady.
Satylymda et, jumyrtqa, kókónis, jemis-jıdek, sút ónimderi, shujyq, bal jáne basqa da taýarlar bar. Sórelerde 1000-nan astam azyq-túlik taýarlary usynylǵan.
Baǵany turaqtandyrý jónindegi sharalar sheńberinde jármeńkelerde áleýmettik mańyzy bar ónimder naryqtyq qunnan 15-20% - ǵa tómen satylady