"Qaýipsiz jol" jedel aldyn alý is-sharasy aıasynda ótken demalys kúnderi Almatyda kólikti mas kúıde basqarǵan 28 júrgizýshi ustady.
Solardyń biri – Rysqulov dańǵylynda Lada avtokóliginiń júrgizýshisi. Ol polısıa qyzmetkerleri toqtatqan kezde tekserilip, saraptama boıynsha onyń "jeńil dárejedegi" mas kúıde bolǵanyn rastaldy, dep habarlaıdy aqshamnews.kz Polisia.kz-ke silteme jasap.
"Qaýipsiz jol" is-sharasynyń maqsaty – jol-kólik oqıǵalarynyń aldyn alý, jol qozǵalysy erejeleriniń buzylýyna tosqaýyl qoıý jáne ásirese mas kúıde kólik júrgizý derekterin boldyrmaý. Jyl basynan beri Almaty qalasynda 800-den astam mas júrgizýshi anyqtalyp, barlyǵy zań aıasynda jaýapkershilikke tartyldy.
– Alkogóldik ishimdik iship, kólik tizgindegen adam tek óziniń ǵana emes, ózgeniń de ómirine qaýip tóndiredi. Polısıa mundaı quqyq buzýshylyqtardy anyqtaýdy jáne olardyń jolyn qatań túrde kesýdi jalǵastyrady. Biz azamattardy jaýapkershilikke shaqyramyz. Eger mas júrgizýshini baıqasańyz, birden polısıaǵa habar berińiz, – dedi Almaty qalalyq polısıa departamenti jergilikti polısıa qyzmeti basqarmasynyń bastyǵy Serik Shýmaev.
"Qaýipsiz jol" aksıasy jalǵasyp jatyr.