Qutqarý qyzmeti jumys jasap jatyr.
Daýyldy eskertý men qolaısyz aýa raıy jaǵdaıyna - ekpindi jel, jaýyn-shashyn men sýly qardyń bolýyna baılanysty qala aýmaǵynda aǵashtar men butaqtardyń qulaý faktileri tirkeldi, dep habarlaıdy Almaty-akshamy.kz.
Saldaryn joıý jumystaryn aýdandyq ákimdikterdiń merdiger uıymdary men Almaty qalasynyń qutqarý qyzmeti júzege asyryp jatyr.
29 naýryz kúngi saǵat 19:00-degi jaǵdaı boıynsha, «112» jelisine aǵash qulaýǵa qatysty 36 qońyraý kelip túsken. 31 aǵash, 5 úlken buta qulaǵan, onyń ishinde 21 aǵash kólikterge qulaǵan.
Púlttik monıtorıń qyzmetiniń aqparatyna sáıkes, butaqtyń synyp túsýinen 1 eresek adam bolmashy dene jaraqatyn alǵan.
Barlyq tirkelgen jaǵdaı boıynsha aýdandyq Tótenshe jaǵdaı bólimderi, aýdandyq ákimdikterdiń merdiger uıymdary men Almaty qalasynyń qutqarý qyzmeti jumys jasap jatyr.
Jasyl ekonomıka basqarmasynyń aqparatyna sáıkes, Almatyda 2,8 mln aǵash bolsa, onyń 84,6 myńy - apat jaǵdaıynda.
Júrgizilgen saraptamaǵa sáıkes, negizinen, apatty jaǵdaıdaǵy aǵashtar qalanyń ortalyq jáne shetkeri aımaqtarynda ornalasqan. Onyń ishinde maqsatty (kóshe boıynda) - 34962 aǵash, jalpy qoldanystaǵy (aýla ishinde) - 49666 aǵash bar.
Aýdan ákimdikteriniń apparattary men Jasyl ekonomıka basqarmasy birlese otyryp, apatty jaǵdaıdaǵy aǵashtardy kesip, ornyna jas aǵashtar otyrǵyzyp, qalanyń jasyl qoryn qalpyna keltirý jumystaryn júrgizip keledi.