Almatyda 320 tonnadan astam hımıalyq zatty saqtaýda talaptar buzylǵan
Almatydaǵy qoımalardyń birinde qaýipsizdik erejelerin óreskel buzǵan 320 tonnadan astam hımıalyq reaktıv saqtalǵan, dep habarlaıdy Almaty-akshamy.kz.
Almatylyq polıseılerdiń qorynda hımıalyq reagentterdiń alýan túri bar JSHS-niń qoımalaryn tekserýi kezinde tehnıkalyq talaptarǵa sáıkessizdik anyqtaldy. Kásiporyn qoımasynda kúzet dabyly ornatylmaǵan, terezelerde tor men baılanys telefony joq bolyp shyqty.
Sonymen qatar aseton, dıetıl spırti, kalıı permanganaty, tuz qyshqyly, kúkirt qyshqyly sıaqty prekýrsorlardyń aınalymy shekteldi. Aınalymǵa shekteý qoıylǵan prekýrsorlardyń jalpy sany 322 tonna 4 kılogramdy qurady», - dedi Almaty qalalyq PD Esirtki qylmysyna qarsy kúres basqarmasynyń bastyǵy, polısıa podpolkovnıgi Erlan Álmaǵambetov.
Polısıa ókiliniń aıtýynsha, is qozǵaldy, onyń qorytyndysy boıynsha tıisti sheshim qabyldanatyn bolady Aıta keteıik, Almatyda respýblıkalyq aýqymdy «Dármek» jedel aldyn alý is-sharasynyń úshinshi kezeńi aıaqtaldy, onyń aıasynda qaladaǵy dárihanalar, emhanalar, medısınalyq mekemeler, bıohımıalyq preparattar aınalymyna qatysty uıymdar tekseriledi.