Almatyda dárihanalardyń birneshe qyzmetkeri tonaldy.
Birqatar urlyq jasady degen kúdikpen 39 jastaǵy er adam ustaldy, dep habarlaıdy Almaty-akshamy.kz Polisia.kz-ke silteme jasap.
«Jedel izdestirý is-sharalary barysynda 39 jastaǵy R.esimdi azamat ustaldy. Ol bizdiń aýdanda ornalasqan dárihanalardyń qyzmetkerlerin tonady degen kúdikke ilingen. Aldyn ala málimet boıynsha, epızodtardyń birinde kúdikti em-shara bólmesinen bótenniń telefonyn urlap ketken. Beınebaqylaý júıelerin taldaǵannan keıin qaskóıdiń dárihanaǵa qalaı kirgeni jáne jan-jaǵyna qarap, em-shara bólmesinde telefondy kórgeni anyqtaldy. Telefondy qolyna alyp, farmasevt kelýshilermen qoly bosamaı jatqanda, jaıbaraqat kóshege shyǵyp ketken. Ustalǵan adamnyń ózi qylmysqa qatysy baryn joqqa shyǵarmaıdy. Bul derek QR QK-niń 188-baby boıynsha sotqa deıingi tergeýdiń biryńǵaı tizilimine engizilgen», – deıdi Jetisý aýdandyq polısıa basqarmasynyń bastyǵy Jánibek Shynasylov.
Kúdikti ýaqytsha ustaý ızolátoryna qamaldy. Tergeý jalǵasyp jatyr. Qylmystyq istiń basqa da málimetteri QR QPK-niń 201-baby jáne QR Konstıtýsıasynyń normalaryna sáıkes jarıa etýge jatpaıdy.