Almatydaǵy Akýsherıa, gınekologıa jáne perınatologıa ǵylymı ortalyǵynyń mamandary kúrdeli medısınalyq jaǵdaıdaǵy júkti áıeldi sátti bosandyryp aldy.
35 apta merzimde túsken naýqasqa ıdıopatıalyq aplastıkalyq anemıa (Hageman sındromy), koagýlopatıa, turaqty ımmýnosýpressıvti terapıa qajettiligi bar sozylmaly transfýzıalyq táýeldilik sıaqty aýyr dıagnozdar qoıyldy, dep habarlaıdy aqshamnews.kz.
Dárigerlerdiń aıtýynsha, ananyń jaǵdaıy men júktiliktiń sońǵy trımestrinde týyndaǵan asqynýlar ómirge qaýip tóndirdi. Negizgi qaýipter — bosaný kezinde jappaı qan ketý, tromboz, uryq gıpoksıasy jáne ananyń ımýndyq turaqsyzdyǵy boldy.
Mamandar konsılıým ótkizip, ana men balanyń ómirin saqtap qalý úshin bosanýdy merziminen buryn ındýksıalaý týraly sheshim qabyldady.
Nátıjesinde, dárigerlerdiń úılesimdi jumysynyń arqasynda bosaný shtattyq rejımde ótti. Salmaǵy 2885 gram, boıy 51 sm, Apgar shkalasy boıynsha 6/8 bal alǵan sábı dúnıege keldi.
Bosanǵannan keıin anaǵa arnaıy emdeý júrgizildi: transfýzıalyq terapıa, anemıany túzetý jáne trombozdyń aldyn alý sharalary qabyldandy.
Qazirgi ýaqytta ana men bala qanaǵattanarlyq jaǵdaıda. Pasıent gematologtyń baqylaýynda bolyp, qoldaý terapıasyn jalǵastyrady.
Medısınalyq ortalyq mamandary bul oqıǵany erekshe jaǵdaı dep atap, kópsalaly bilikti komandanyń úılesimdi áreketi ómir men densaýlyq úshin sheshýshi ról atqarǵanyn aıtty.