Almatyda polıseıler men Ulttyq ulandyqtar UOS kezinde qaza bolǵan batyrlardy eske aldy.
Almatydaǵy 28 gvardıashyl-panfılovshylar atyndaǵy saıabaqta Dańq jáne Máńgilik alaý monýmentiniń janynda saltanatty mıtıń ótti, dep habarlaıdy Almaty-akshamy.kz Polisia.kz-ke silteme jasap.
Quqyq qorǵaý organdarynyń qyzmetkerleri, Ulttyq ulannyń áskerı qyzmetshileri, İİO ardagerleri men áskerı-patrıottyq klýbtardyń oqýshylary Uly Otan soǵysynyń batyrlaryn bir mınýt únsizdikpen eske alyp, memorıaldyq keshenge gúl shoqtaryn qoıý rásimin ótkizdi.
Aqparattyq-nasıhattyq tobynyń jetekshisi, Ulttyq ulan Bas qolbasshysynyń tárbıe jáne áleýmettik-quqyqtyq jumystar jónindegi orynbasary Qaırat Úmbetov pen Almaty qalasy polısıa departamenti bastyǵynyń orynbasary Oljas Myrzabekov qan maıdanda fashıserdiń basymdyǵyna erlikpen tótep bergen jaýyngerler qurmetine ornatylǵan eskertkishtiń batyrlardyń erlikterin qasterleý orny ekenin atap ótti.
«Almatyǵa kelgen aqparattyq-nasıhattyq toby jeke quramnyń jaýyngerlik rýhyn kóterýge baǵyttalǵan is-sharalar keshenin ótkizýde. İshki ister mınıstri men Ulttyq ulan Bas qolbasshysynyń bastamasy boıynsha ótip jatqan is-sharalardyń quqyq qorǵaý organdarynyń qyzmetkerleri men áskerı qyzmetshiler úshin mańyzy zor. Osy jumys aıasynda biz búgin Uly Otan soǵysy kezinde erlikpen qaza tapqan batyrlardy eske alyp jatyrmyz. Elimizdiń qorǵaýynda turǵan jaýyngerlerdiń kásibıligi tek beıbit ýaqytta ǵana synalýyn tileımin», – dedi halyq qaharmany Qaırat Jarylqasynuly.
İs-sharaǵa ishki ister organdarynyń ardagerleri, Ulttyq ulannyń “Ońtústik” óńirlik qolbasshylyǵy áskerı bólimderiniń qolbasshylyqtary men jeke quramy, sondaı-aq Almaty garnızonynyń polısıa qyzmetkerleri qatysty.