Bul aýqymdy is-shara jastardyń kásibı baǵyt-baǵdaryn anyqtaýǵa jáne eńbek naryǵynyń qajettilikterimen tanysýǵa múmkindik berdi.
Festıválge Almaty qalasynyń 26 joǵary oqý orny, 30 iri kompanıa 400 bos jumys oryndaryn usyndy, al qatysýshylardyń jalpy sany 2000-nan astam mektep bitirýshileri men jumyssyz jastardy qurady, dep habarlaıdy aqshamnews.kz
İs-shara Almaty qalasy Jastar saıasaty basqarmasynyń qoldaýymen «Almatystudent’s week» aptalyǵynyń aıasynda uıymdastyryldy.
«CareerTime» – bul mektep túlekteri men qala jastary úshin úlken múmkindikter alańy. Bul jerde olar eńbek naryǵynyń jańa talaptarymen tanysyp, joǵary oqý oryndary men jumys berýshilermen tikeleı baılanys ornata alady. Mundaı bastamalar jastardyń kásibı ósýine jáne jumyssyzdyq deńgeıin tómendetýge yqpal etedi dep senemiz», - dedi Almaty qalasy Jastar saıasaty basqarmasynyń basshysy Azız Kajdenbek.
Festıvál barysynda qatysýshylar úshin ártúrli sheberlik synyptary uıymdastyryldy. Atap aıtqanda, IT jáne sıfrlyq daǵdylarǵa arnalǵan sheberlik synyptar men prezentasıalar, fıtnes pen salaýatty ómir salty boıynsha sheberlik synyptary jáne kórkem sýret boıynsha shyǵarmashylyq aımaqtar da boldy.
«Bul festıvál maǵan bolashaǵymdy aıqyndaýǵa kómektesti. Men ózime sáıkes keletin ýnıversıtetti taýyp, oqý baǵdarlamasymen jaqynyraq tanystym. Osylaısha, men búgin ózim úshin naqty sheshim qabyldadym», - dedi festıvalge qatysqan 11 synyp oqýshysy Aıjan.
«CareerTime» festıvali bilim berý, eńbek naryǵy jáne shyǵarmashylyq baǵyttardyń toǵysýynyń tamasha úlgisi boldy. İs-shara jastardyń kásibı jáne jeke damýyna jańa múmkindikter ashyp, keleshekke senimdi qadam jasaýǵa jaǵdaı jasady.Uıymdastyrýshylardyń aıtýynsha atalmysh shara kelesi jyly da jalǵasyn tappaq.
Sonymen qatar, is-shara aıasynda jastar úshin arnaıy konserttik baǵdarlamauıymdastyryldy.