Almatyda syrtqy jaryqtandyrý sapasyn arttyrý maqsatynda 84 jaryqsyz ýchaskede 16 km jańa jeli qurylysy bastaldy. 2025 jyly 25 sáýirde 255 ýchaskede 93,2 km jaryq jelilerin salýǵa baıqaý jarıalandy. Bul týraly qala ákimi Erbolat Dosaevtyń 2025 jylǵy 1-30 sáýir aralyǵyndaǵy Prezıdentke bergen esebinde aıtyldy, dep habarlaıdy aqshamnews.kz
- Qaladaǵy 7 magıstraldy kóshede 19,6 km jaryq jelisi jańartylyp, 400 jańa sham ornatylyp, 1,1 myń sham aýystyryldy. Olardyń qýaty eki esege artty.
- Sondaı-aq jaryqtandyrý sapasyn arttyrý úshin jańartýdy qajet etetin 1 100 basqarý shkafynyń 320-sy jańartyldy. Bıyl bul kórsetkish 70%-ǵa jetpek. Bul júıeniń senimdiligi men jedeldigin edáýir arttyrady.
- 2025 jyldyń basynan bastap Respýblıka alańyndaǵy eki ǵımarat pen QR Qarýly kúshteriniń áskerı-tarıhı mýzeıinde sáýlettik jaryq ornatyldy. 2024 jyly mundaı jaryqtandyrý 25 nysanda júzege asyrylǵan.
Aıta keteıik, 2023 jyldyń tamyzynda Almatyda ótken keńeste Memleket basshysy Qasym-Jomart Toqaev qalany 2025 jyldyń sońyna deıin tolyq jaryqtandyrýdy tapsyrǵan. Bul tapsyrmany oryndaý úshin 2024 jyldyń qańtarynan bastap «Almaty Qala Jaryq» kásiporny qala ákimdigimen birlesip jumys júrgizip keledi. Byltyr jaryqtandyrý deńgeıi 85%-ǵa jetse, bıyl bul kórsetkish 100%-ǵa jýyqtaıdy dep josparlanǵan.