«Qazgıdromet» úsh qalanyń turǵyndaryna eskertý jasady, dep habarlaıdy aqshamnews.kz
Aýa lastanýynyń sebebi – qolaısyz meteojaǵdaılar
Sınoptıkterdiń málimetinshe, bul qubylys birneshe aýa raıy faktorynyń toǵysýymen baılanysty. Atap aıtqanda, zıandy qosyndylar jer betindegi aýa qabatynda jınalyp, taralmaıdy.
«2025 jylǵy 2 shildede qolaısyz meteorologıalyq jaǵdaılar Jezqazǵan, Almaty qalalarynda jáne túngi ýaqytta Astana qalasynda kútiledi», – delingen «Qazgıdromet» RMK habarlamasynda.
Qolaısyz meteojaǵdaı degen ne?
Qolaısyz meteojaǵdaılar (QMJ) – bul atmosferalyq qubylystardyń jıyntyǵy, olardyń áserinen aýadaǵy lastaýshy zattar taralmaı, qorshaǵan ortada jınalyp qalady.
QMJ týyndaýyna sebep bolatyn faktorlar:
Tymyq aýa raıy;
Baıaý jel;
Tuman;
Temperatýralyq ınversıa (joǵary qabattardaǵy aýa jylyraq bolýy)
QMJ nelikten qaýipti?
Mundaı jaǵdaılar:
Aýanyń sapasyn ýaqytsha nasharlatady;
Lastaný deńgeıin arttyrady;
Ónerkásip oryndary nemese kólik tyǵyz ornalasqan aýdandarda qaýip tóndiredi;
Densaýlyǵy osal adamdarǵa (balalar, qarttar, tynys alý aýrýlary bar azamattar) erekshe zıan.