Pandemıaǵa baılanysty baıqaý onlaın jáne oflaın formatta ótýde.
Almatyda halyqaralyq «Boztorǵaı» balalar shyǵarmashylyq baıqaýy ótip jatyr. Búgin baıqaýdyń sońǵy kúni, dep habarlaıdy Almaty-akshamy.kz Almaty.tv silteme jasap.
"Alataý" dástúrli óner teatrynda onlaın jáne oflaın formatta uıymdastyrylǵan saıysqa elimizdiń ár óńirinen jas daryndar qatysýda.Sondaı-aq shet memleketterdiń talanttary da óz ónerlerin taspaǵa jazyp joldap, baqtaryn synap jatyr.
Jas daryndardyń ónerin órkendetýge baǵyttalǵan halyqaralyq deńgeıdegi «Boztorǵaı» baıqaýy Almatyda 23-shi márte "Alataý" dástúrli óner teatrynda uıymdastyrylyp otyr.
Oǵan Qazaqstan men TMD elderiniń jáne Bolgarıa, Chehıa, Italıa, Portýgalıa men Ispanıanyń jas talanttary qatysyp jatyr. Sheteldik ónerpazdar oryndaǵan týyndylaryn beıne taspaǵa jazyp, joldaǵan.
Úkili dombyra men saz-syrnaı, jetigen. Qulaqtan kirip, boıdy alǵan halyq ánderi men ásem kúı oryndaǵan jas órender osylaı kópshilikti tánti etýde. Baıqaýda Ramazan Stamǵazıev, Lakı Kesoglý sekildi elimizdiń tanymal tulǵalary qazylyq etip, 60-tan asa ánshi, 20-dan asa dástúrli oryndaýshylar men 16 bı tobynyń ónerine baǵa berip jatyr.