Alash alyptarynyń armany - eldiktiń týyn bıik ustaý!
Alash ıdeıasy ulttyq múddege qyzmet etti. Halyqty birlikke, jeke dara jol tabýǵa shaqyrdy. Naq sol zamanda sóz ónerine erekshe áser etti. Kósem sóz sheberi Zeınolla Qabdolov «Ádebıet - ardyń isi» depti. Rasynda solaı. HH ǵasyrdyń basyrdaǵy Álıhan Bókeıhanov, Ahmet Baıtursynov, Mirjaqyp Dýlatovtar qazaqtyń taǵdyryn kúıttedi. Kitap jazdy. Tarıhty qaýzady. Árqaısysy qajetti salalardy damytty. Máselen, ult ustazy uly Ahań «Til quraly», «Ádebıet tanytqysh» atty eńbekti artyna mura etip qaldyrdy. Egiz qozydaı eki salanyń jiligin shaǵyp, jik-jikke bólip berdi. Mirjaqyp atamyz bolsa, alǵash «Baqytsyz Jamal» romanyn jazdy. Al osynyń bárin úılestirip, Alashtyń negizgi ıdeıasyn qurýshy Álıhan Bókeıhanov boldy. Halqymyzdyń mańdaıyna bitken arda uldary ár ýaqytta bolashaqty oılady. Onyń ishinde jastardyń keleshegine, qazaq eliniń taǵdyryna alańdady. Sol maqsatta qyzmet etti. Eń úlkeni búgingi táýelsizdiktiń konsepsıasyn jasady desek, artyq aıtpaǵandyq bolar edi. Osynyń bárin toptaı bir arnaǵa túsirgende shyǵatyn oı bireý. Ol qazirgi ádebıettegi Alash ıdeıasynyń kórinis tabýy, zańdy qubylys dep baǵalanady. Óıtkeni, barlyq nárseniń qamtylar, adam oıynan shyǵar, toǵysar jeri - asyl sóz (ádebıet - arabshadan aýdarǵanda) demekpiz. Búgingi tańda oqý baǵdarlamalarynda kórinis taýyp jatqany kóńil qýantady. Sebebi Alash qaıratkerleriniń jasaǵan isteri el jadynda jańǵyryp jatqanyna razymyz. Alýan-alýan sharýa atqaryp, osy jolda ómirin bergen qazaqtyń qaısar tulǵalaryna qalaısha rıza bolmaısyz? Bálkim, alda birshama ýaqyt ótip, áli de tarıhtan óz oryndaryn jańasha qyrynan aıshyqtar. Muny ýaqyttyń enshisine qaldyrdyq. Bizdiń basty maqsatymyz - tolarsaqtan qan keship, saıası qýǵyn-súrgin kórgen babalar amanatyna adaldyq tanytyp, olardyń muralaryn óskeleń urpaqtyń qolyna tabystaý. Mine, osy jolda barymyz ben narymyzdy salsaq, ozǵanymyz sonda bolmaq. Bizdershe túıgendegi shyǵatyn oı-paıym osy. Alash ıdeıasynyń qazirgi ádebıettegi kórinisi men atqarar róli degen mazmundy osylaısha toptaımyz.
Qazaq halqynyń eshkimnen kem emestigin dáleldep, ultty aırandaı uıytyp, tirshilik qylýyn kózdedi. Sony arman etti. Bizder tarıhtyń bir parasyn ǵana sherttik. Bir shetin ǵana baıandadyq. Azdy-kemdi aqpardy aıttyq. Al qanshama aıtylmaǵan oılar, derekter, áli de ashylmaǵan syrlar barshylyq? Joǵaryda sonyń birshamasyna toqtaldyq. Túıindegende, Alash alyptarynyń istep ketken ıgi isteri bolashaq eldiń jemisi bolary anyq.