Keshe áleýmettik jeliler arqyly qala ortasynda jas qyzdy kúshtep alyp qashý vıdeosy tarap ketti.
Almatyda vıdeoǵa túsip qalǵan qyz alyp qashqandardyń áreketi prank bolyp shyqty, dep habarlaıdy Almaty-akshamy.kz
«Atalǵan derek boıynsha tekserý sharalary júrgizilip, nátıjesinde onyń uıymdastyrýshylary men qatysýshylary anyqtaldy. Olardyń is-áreketine quqyqtyq baǵa beriledi», - dep habarlady qalalyq polısıa departamentinen.
Sonymen qatar prank jasaǵan 18 jastaǵy boıjetken halyqtan keshirim surady.
«Bul áleýmettik eksperıment - prank ekenin aıtqym keledi. Men sol vıdeodaǵy qyzbyn. Mende bári jaqsy, meni eshkim alyp qashqan joq. Jurtshylyqtan keshirim suraımyz», - dedi ol.
«Shevrole Neksıa» avtokóliginiń júrgizýshisi – 1988 jyly týǵan I.esimdi azamat ta anyqtalyp, ákimshilik jaýapqa tartyldy.
«Quqyqbuzýshylyq deregine sáıkes, oǵan qatysty QR ÁQbK-niń 290-babynyń 2-bóligi (KQ memlekettik tirkeý nómirlik belgisinsiz basqarý) jáne QR ÁQbK-niń 601-babynyń 1-bóligi (jol belgileri men tańbalarynyń talaptaryn saqtamaý) boıynsha ákimshilik hattamalar toltyryldy. Kólik quraly mamandandyrylǵan aıyppul turaǵyna qoıyldy», - dep atap ótti vedomstvoda.