Almaty máslıhaty abattandyrýdyń jańa erejelerin bekitti
VIII saılanǵan máslıhattyń kezekten tys HHİ sesıasy barysynda depýtattar Almaty qalasy aýmaǵyn abattandyrýdyń jańa erejelerin bekitti, dep habarlaıdy almaty-akshamy.kz
Otyrys barysynda Almaty qalasy ákiminiń orynbasary Asqar Ámrın qaýipsiz, yńǵaıly jáne ekologıalyq qolaıly qalalyq ortany qurýǵa baǵyttalǵan erejelerdiń birneshe mańyzdy aspektisin atady.
«Birinshiden, erejelerde buqaralyq is-sharalardy uıymdastyrýshylardyń jaýapkershiligi bekitiledi. İs-sharadan keıin olar tazalyq jumystaryn júrgizýge jáne aýmaqtardy abattandyrylǵan kóriniske qaıtarýǵa mindetti bolady. Konsertter, festıválder, jármeńkeler jáne basqa da sharalardyń kóptigin eskere otyryp, bul Almaty úshin ózekti jáne qajetti shara bolyp tabylady», - dedi Asqar Ámrın.
Infraqurylymdy damytý kezinde jaıaý júrginshilerdiń, qoǵamdyq jáne velosıped kóliginiń jáne aryq júıeleriniń basymdyǵy bekitiledi. Bul norma qala turǵyndarynyń suranysyn eskere otyryp ázirlendi.
Buǵan qosa, kóriktendirý pasporttaryn qoldaný jalǵasady, olar 2013 jyldan beri toqtatylǵan.
Pasportqa aýmaq ıesi jáne aýdan ákimdigi qol qoıady. Qujatta trotýarlardyń, jasyl jelekterdiń, qasbettiń jaǵdaılaryna, pandýstar, qorshaýlar, kóshe jıhazdary sıaqty elementtermen jabdyqtaýǵa qoıylatyn talaptar bekitiledi.
Pasportty engizý kásipkerlik nysandardaǵy jáne jeke menshiktegi aýmaqtardyń jaǵdaılaryn baqylaýdy jaqsartady.
Óz kezeginde komýnaldyq ınfraqurylymdy damytý basqarmasynyń basshysy Dýlat Áshkenov erejeni qabyldaý – ekologıalyq jaǵdaıdy jaqsartýǵa jáne qala aýmaǵyn abattandyrýǵa baǵyttalǵan «Taza Qazaqstan» aksıasy aıasyndaǵy mańyzdy qadam ekenin aıtty.