Almaty ákiminiń halyqpen kezdesýi barysynda Túrksib aýdanynyń turǵyny jaıaý júrginshiler ótkelderi, atap aıtqanda Serkebaev boıyndaǵy ótke boıynsha suraq qoıyp, jaıaý júrginshilerdiń qaýipsizdigin qosymsha jaryqpen qamtamasyz etýdi usyndy, dep habarlaıdy aqshamnews.kz
Onyń suraǵyna qala ákiminiń orynbasary Asqar Ámrın jaýap berdi: «Aldaǵy eki aıda biz qalada jaryqtandyrý boıynsha qalǵan jumys kólemin tolyǵymen aıaqtaımyz. Búgingi tańda qalanyń jaryqtandyrý deńgeıi jaıaý júrginshiler ótkelderin qosqanda 85%-dy quraıdy. Sońǵy eki jylda biz magıstraldyq joldarmen aınalystyq, bıylǵy jyly jaıaý júrginshiler ótkelderi men jaıaý júrginshiler trotýarlaryna basa nazar aýdarylýda».
Almaty ákimi Erbolat Dosaev óz kezeginde «Almaty Qala Jaryq» MJÁ basshylyǵyna jáne aýdan ákimderine barlyq jaıaý júrginshiler ótkelderin qosymsha jaryqtandyrýmen qamtamasyz ete otyryp, «Halyq qatysatyn búdjet» baǵdarlamasy aıasynda syrtqy jaryqtandyrý boıynsha jobalardy qysqa merzimde iske asyrýdy tapsyrdy. «Serkebaev boıyndaǵy ótkeldi jaryqtandyrý boıynsha pılottyq jobany osy jyldyń mamyr aıynyń sońyna deıin iske qosý qajet», - dedi qala basshysy.
Aıta keteıik, Almatyda qala ákiminiń tapsyrmasy boıynsha kóptegen jaıaý júrginshiler ótkelderi energıa únemdeıtin áseri bar vandalǵa qarsy shamdarmen, taktıldi plıtalarmen jáne beınekameralarmen jabdyqtalǵan.